Psa 58 | LinMNB | STEP | Wuta na buku ya mokambi ya bayembi. Eyembamaki ndenge moko na « Kobebisa te.

‏ Psalms 58

Nzambe, Mosambisi ya sembo ya bakambi mabe

1 ^{▼▼58:1 in some Bibles.} Wuta na buku ya mokambi ya bayembi. Eyembamaki ndenge moko na « Kobebisa te. » Nzembo ya Davidi.

2 ^{▼▼58:1 in most Bibles.} Ezali solo ete bolobaka te tango bokataka makambo ?
Boni, bana na moto, bosambisaka na bosembo ?
3 ^{▼▼58:2 in most Bibles.} Te, ezala kati na mitema na bino,
bosalaka mabongisi ezanga bosembo ;
botandaka kanza ya maboko na bino kati na mokili.

4 ^{▼▼58:3 in most Bibles.} Bato mabe babebaka wuta na mbotama na bango,
bapengwaka mpe balobaka lokuta
wuta na mabumu ya bamama na bango.
5 ^{▼▼58:4 in most Bibles.} Bazalaka na ngenge lokola ngenge ya nyoka,
lokola ngenge ya etupa oyo eyokaka te,
oyo ekangaka litoyi na yango,
6 ^{▼▼58:5 in most Bibles.} oyo eyokaka te ata mingongo ya bato na soloka
mpe ya moto ya maji oyo aleki na mayele.

7 ^{▼▼58:6 in most Bibles.} Nzambe, buka minu na bango
kati na minoko na bango ;
Yawe, buka bambanga ya bana ya bankosi.
8 ^{▼▼58:7 in most Bibles.} Tika ete balimwa lokola mayi oyo ezali kotiola ;
Tika ete bambanzi na bango ebukana
tango babetaka batolotolo.
9 ^{▼▼58:8 in most Bibles.} Tika ete balimwa lokola soyi ya mbembe,
lokola mwana oyo akomona moyi te
mpo ete abimi na zemi oyo esopani.

10 ^{▼▼58:9 in most Bibles.} Liboso ete banzungu na bino ekutana
na moto ya basende,
ezala ya mayi to ya kokawuka,
bato mabe akolimwa.
11 ^{▼▼58:10 in most Bibles.} Moto ya sembo akosepela,
pamba te akomona Nzambe
kozongisela bato mabe, mabe na mabe,
mpe akotambola kati na makila na bango.
12 ^{▼▼58:11 in most Bibles.} Mpe bato bakoloba :
« Solo, ezali na lifuti mpo na moto ya sembo ;
solo, ezali na Nzambe oyo asambisaka mokili. »