Psa 6 | LinMNB | STEP | Wuta na buku ya mokambi ya bayembi. Nzembo ya Davidi ; ezali ya koyemba na lindanda ya basinga mwambe.

‏ Psalms 6

Yawe, Mosungi na ngai

1 ^{▼▼6:1 in some Bibles.} Wuta na buku ya mokambi ya bayembi. Nzembo ya Davidi ; ezali ya koyemba na lindanda ya basinga mwambe.

2 ^{▼▼6:1 in most Bibles.} Yawe, kopesa ngai etumbu te na kanda na Yo,
kopesa ngai etumbu te na kanda makasi na Yo.
3 ^{▼▼6:2 in most Bibles.} Yawe, yokela ngai mawa,
pamba te nazangi makasi.
Yawe, bikisa ngai na bokono,
pamba te mikuwa na ngai elembi.
4 ^{▼▼6:3 in most Bibles.} Molimo na ngai ezali kotungisama makasi ;
bongo Yo, Yawe, kino tango nini ?

5 ^{▼▼6:4 in most Bibles.} Yawe, zongela ngai, mpe kokangola ngai,
bikisa ngai, mpo na bolingo na Yo.
6 ^{▼▼6:5 in most Bibles.} Pamba te bakufi bakoki lisusu te
kotatola Kombo na Yo te !
Mpe kati na mboka ya bakufi,
nani akoki kokumisa Yo ?

7 ^{▼▼6:6 in most Bibles.} Kolela elembisi ngai nzoto.

Butu nyonso, nalelaka na mbeto na ngai,
mpe napolisaka na mpinzoli, esika oyo nalalaka.
8 ^{▼▼6:7 in most Bibles.} Miso na ngai ebebi mpo na mawa ;
ezali lisusu komona malamu te likolo ya banyokoli na ngai.

9 ^{▼▼6:8 in most Bibles.} Bino nyonso oyo bosalaka mabe, bolongwa liboso na ngai,
pamba te Yawe ayoki kolela na ngai.
10 ^{▼▼6:9 in most Bibles.} Yawe ayanoli mabondeli na ngai
mpe ayambi losambo na ngai.
11 ^{▼▼6:10 in most Bibles.} Banguna na ngai nyonso bakoyoka soni,
mpe somo monene ekokanga bango ;
bakozonga na sima
mpe bakoyoka mbala moko soni.