Psa 61 | LinMNB | STEP | Wuta na buku ya mokambi ya bayembi. Eyembamaki na lindanda. Nzembo ya Davidi.

‏ Psalms 61

Bomba ngai na se ya lipapu na Yo

1 ^{▼▼61:1 in some Bibles.} Wuta na buku ya mokambi ya bayembi. Eyembamaki na lindanda. Nzembo ya Davidi.

2 ^{▼▼61:1 in most Bibles.} Oh Nzambe, yoka koganga na ngai,
yoka na bokebi losambo na ngai.
3 ^{▼▼61:2 in most Bibles.} Wuta na suka ya mokili, nazali kobelela Yo,
motema na ngai ebukani !
Mema ngai na libanga oyo eleki likolo
epai wapi nakokoka te kokoma ngai moko.
4 ^{▼▼61:3 in most Bibles.} Pamba te, ozali ebombamelo na ngai,
ndako molayi batonga makasi,
liboso ya banguna na ngai.
5 ^{▼▼61:4 in most Bibles.} Posa ya motema na ngai ezali :
kovanda tango nyonso kati na Ndako na Yo
mpe kozwa ebombamelo na se ya mapapu na Yo.

6 ^{▼▼61:5 in most Bibles.} Pamba te Yo Nzambe, oyokaki bandayi na ngai,
opesaki ngai libula ya bato
oyo batosaka Kombo na Yo.

7 ^{▼▼61:6 in most Bibles.} Pesa na mokonzi na biso bomoi molayi ;
tika ete awumela na bomoi.
8 ^{▼▼61:7 in most Bibles.} Tika ete awumela na bokonzi
libela na libela liboso ya Nzambe !
Bolingo mpe boyengebene na Yo ekobatela ye.

9 ^{▼▼61:8 in most Bibles.} Boye, nakoyemba mikolo nyonso
mpo na lokumu ya Kombo na Yo,
mpe nakokokisa bandayi na ngai
mokolo na mokolo.