Psa 62 | LinMNB | STEP | Wuta na buku ya mokambi ya bayembi, kolanda Yedutuni. Nzembo ya Davidi.

‏ Psalms 62

Nazwaka na kimia kati na Nzambe

1 ^{▼▼62:1 in some Bibles.} Wuta na buku ya mokambi ya bayembi, kolanda Yedutuni. Nzembo ya Davidi.

2 ^{▼▼62:1 in most Bibles.} Solo, nazwaka kimia kati na Nzambe ;
lobiko na ngai ewutaka epai na Ye.
3 ^{▼▼62:2 in most Bibles.} Solo, azali libanga mpe lobiko na ngai ;
azali ebombamelo na ngai,
nakoningana te.

4 ^{▼▼62:3 in most Bibles.} Kino tango nini bokosangela moto moko ?
Kino tango nini bino nyonso bokosangana
mpo na koluka koboma ye
lokola mir oyo etengami,
lokola lopango oyo esili kokweya ?
5 ^{▼▼62:4 in most Bibles.} Solo, basalaka makita mpo na kokweyisa ye
wuta na esika na ye ya likolo,
basepelaka kotatola lokuta.
Bapambolaka na nzela ya minoko na bango ;
kasi kati na mitema na bango, balakelaka mabe.

6 ^{▼▼62:5 in most Bibles.} Oh molimo na ngai, zwa bopemi kati na Nzambe,
pamba te elikya na ngai ewutaka epai na Ye.
7 ^{▼▼62:6 in most Bibles.} Solo, azali libanga mpe lobiko na ngai ;
azali ebombamelo na ngai, nakoningana te.
8 ^{▼▼62:7 in most Bibles.} Nzambe azali lobiko mpe nkembo na ngai ;
libanga ya makasi na ngai mpe ebombamelo na ngai
ezali kati na Nzambe.
9 ^{▼▼62:8 in most Bibles.} Botielaka Ye elikya tango nyonso,
bosopaka mitema na bino liboso na Ye,
pamba te Nzambe azali ebombamelo mpo na biso.

10 ^{▼▼62:9 in most Bibles.} Solo, bato bazali lokola molunge,
bazali lokola lokuta ;
Soki batie bango na emekelo kilo,
ata molunge ekoleka bango nyonso na kilo.
11 ^{▼▼62:10 in most Bibles.} Botiaka elikya te na mileki ya moyibi,
mpe botielaka yango motema te ;
soki bomengo na bino ekomi ebele,
bokangama na yango te.

12 ^{▼▼62:11 in most Bibles.} Nzambe alobaki mbala moko,
ngai nayokaki mbala mibale :
« Pamba te makasi ezali ya Nzambe ;
13 ^{▼▼62:12 in most Bibles.} mpe bolingo ezali ya Nkolo ; »
mpe « ofutaka moto nyonso
kolanda misala na ye. »