Psa 64 | LinMNB | STEP | Wuta na buku ya mokambi ya bayembi. Nzembo ya Davidi.

‏ Psalms 64

Batela ngai

1 ^{▼▼64:1 in some Bibles.} Wuta na buku ya mokambi ya bayembi. Nzembo ya Davidi.

2 ^{▼▼64:1 in most Bibles.} Oh Nzambe, yoka mongongo na ngai
kati kolela na ngai,
batela ngai mosika ya monguna
oyo azali kopesa ngai somo.

3 ^{▼▼64:2 in most Bibles.} Bomba ngai mosika ya mikano ya bato mabe,
mosika ya makita ya bato ya misala mabe.
4 ^{▼▼64:3 in most Bibles.} Bapelisaka lolemo na bango
ndenge bapelisaka mopanga,
babimisaka maloba ya bololo lokola makonga
5 ^{▼▼64:4 in most Bibles.} mpo na kobwakela, na kobombama,
moto oyo azangi pamela ;
babangaka te kobwakela ye yango na mbalakata.
6 ^{▼▼64:5 in most Bibles.} Balendisanaka mpo na mabongisi mabe,
bayokanaka kotia mitambo ;
balobaka : « Nani akomona yango ? »
7 ^{▼▼64:6 in most Bibles.} Basalaka mabongisi ya kosala bato mabe,
balobaka : « Toselingwi na mabongisi na biso ! »
Makanisi mpe motema ya moto ezali mozindo makasi.

8 ^{▼▼64:7 in most Bibles.} Kasi Nzambe akobwakela bango
makonga na Ye na mbalakata ;
ekozwa mpe ekozokisa bango.
9 ^{▼▼64:8 in most Bibles.} Maloba na bango moko ekobalukela bango
mpe ekomema bango na libebi ;
mpe moto nyonso oyo akomona bango
akoningisa moto.
10 ^{▼▼64:9 in most Bibles.} Bato nyonso bakokoma kobanga,
kopanza sango ya misala ya Nzambe
mpe kososola makambo oyo asalaka.

11 ^{▼▼64:10 in most Bibles.} Moto ya sembo akosepela
mpe akomibomba kati na Yawe ;
bato nyonso oyo bazali na mitema alima
bakomikumisa mpo na yango.