Psa 65 | LinMNB | STEP | Wuta na buku ya mokambi ya bayembi. Nzembo ya Davidi.

‏ Psalms 65

Opesaka bofuluki

1 ^{▼▼65:1 in some Bibles.} Wuta na buku ya mokambi ya bayembi. Nzembo ya Davidi.

2 ^{▼▼65:1 in most Bibles.} Mpo na Yo Nzambe,
bozangi makelele ezali lokumu, kati na Siona ;
mpe mpo na Yo, ndayi ekokokisama.
3 ^{▼▼65:2 in most Bibles.} Yo oyo oyokaka mabondeli,
bato nyonso bakoya epai na Yo.
4 ^{▼▼65:3 in most Bibles.} Kilo ya bambeba eleki makasi mpo na ngai ;
kasi Yo, olimbisaka masumu na biso.
5 ^{▼▼65:4 in most Bibles.} Esengo na moto oyo oponi mpe obulisi
mpo ete avanda kati na lopango na Yo.
Tokotonda na bolamu ya Ndako na Yo,
Tempelo na Yo ya bule.

6 ^{▼▼65:5 in most Bibles.} Nzambe Mobikisi na biso,
oyanolaka biso na bosembo,
na nzela ya biloko ya somo ;
Ozali elikya ya mokili mobimba
mpe ya bibale minene.
7 ^{▼▼65:6 in most Bibles.} Alendisaka bangomba, na nguya na Ye ;
atondi na mpiko.
8 ^{▼▼65:7 in most Bibles.} Akitisaka makelele ya bibale minene,
makelele ya bambonge na yango
mpe makelele ya bikolo.
9 ^{▼▼65:8 in most Bibles.} Bato oyo bavandaka na basuka ya mokili
babangaka tango bamonaka bikamwa na Yo ;
osalaka ete este mpe weste eganga na esengo.

10 ^{▼▼65:9 in most Bibles.} Opambolaka mabele, ofulukisaka yango,
otondisaka yango na bozwi.
Otondisaka moluka ya Nzambe na mayi,
obongiselaka bato ble,
pamba te otondisaka mayi mpo na yango.
11 ^{▼▼65:10 in most Bibles.} Olekisaka mayi kati na mikala,
okweyisaka mipiku ya mabele,
osopelaka mabele mayi
mpe opambolaka milona.
12 ^{▼▼65:11 in most Bibles.} Opambolaka mobu na bolamu na Yo,
mpe banzela mike oyo olekelaka ebotaka ebele.
13 ^{▼▼65:12 in most Bibles.} Bilanga ya esobe etondaka na bilei,
mpe bangomba mike etondaka na esengo.
14 ^{▼▼65:13 in most Bibles.} Bilanga etondaka na bameme mpe bantaba ;
mabwaku etondaka na ble,
egangaka na esengo mpe eyembaka.