Psa 69 | LinMNB | STEP | Wuta na buku ya mokambi ya bayembi. Nzembo ya Davidi : ezali ya koyemba lokola

‏ Psalms 69

Nazindi, bikisa ngai

1 ^{▼▼69:1 in some Bibles.} Wuta na buku ya mokambi ya bayembi. Nzembo ya Davidi : ezali ya koyemba lokola « lisi. »

2 ^{▼▼69:1 in most Bibles.} Nzambe, bikisa ngai,
pamba te mayi ekomi na kingo na ngai.
3 ^{▼▼69:2 in most Bibles.} Nazali kozinda na potopoto, na mozindo makasi
epai wapi eloko ya kosimba ezali te ;
nakiti na mozindo ya mayi,
mbonge ememi ngai.
4 ^{▼▼69:3 in most Bibles.} Nalembi nzoto likolo ya kobelela lisungi ;
mongongo na ngai ekawuki,
miso na ngai elembi
mpo na kotalela Nzambe na ngai.
5 ^{▼▼69:4 in most Bibles.} Bato oyo bayinaka ngai na kozanga tina
bazali ebele koleka motango ya suki ya moto na ngai ;
ba-oyo balukaka kobebisa bomoi na ngai,
oyo bazali banguna na ngai kaka pamba,
bazali bato na nguya ;
bazali kosenga ngai na makasi ete nazongisa eloko oyo nayibaki te.

6 ^{▼▼69:5 in most Bibles.} Nzambe, oyebi bozoba na ngai,
mpe mabe na ngai ezali ya kobombama te na miso na Yo.

7 ^{▼▼69:6 in most Bibles.} Nkolo Yawe, Mokonzi ya mampinga,
tika ete ba-oyo batiaka elikya kati na Yo
basila lokumu te likolo na ngai !
Nzambe ya Isalaele,
tika ete bato oyo balukaka Yo
bayokisama soni te likolo na ngai !
8 ^{▼▼69:7 in most Bibles.} Pamba te nandimi kofingama mpo na Yo,
mpe soni ezipi ngai elongi.
9 ^{▼▼69:8 in most Bibles.} Bandeko na ngai bakomi kozwa ngai lokola moto oyo bayebi te,
nakomi lokola mopaya na miso ya bana ya mama na ngai.
10 ^{▼▼69:9 in most Bibles.} Pamba te bolingo oyo nazali na yango
mpo na ndako na Yo ezali kozikisa ngai,
mpe mafinga ya bato oyo bafingaka Yo
ezali kokweya na moto na ngai.
11 ^{▼▼69:10 in most Bibles.} Soki naleli mpe nakili bilei,
nasengeli kaka kofingama ;
12 ^{▼▼69:11 in most Bibles.} soki nalati saki,
bato basalaka masapo mpo na kotiola ngai.
13 ^{▼▼69:12 in most Bibles.} Bato oyo bavandi na ekuke batiolaka ngai,
balangwi masanga bayembaka kombo na ngai
kati na banzembo na bango.

14 ^{▼▼69:13 in most Bibles.} Yawe, nabondeli Yo !
Nzambe, tango ekoki,
tango ya kotalisa ngai bolingo monene na Yo !
Yanola ngai na nzela ya boyengebene mpe lobiko na Yo !
15 ^{▼▼69:14 in most Bibles.} Bimisa ngai na potopoto,
sala ete nazinda lisusu te,
nakangolama wuta na maboko ya bayini na ngai
mpe nabima na mayi ya mozindo !
16 ^{▼▼69:15 in most Bibles.} Tika ete mbonge ya mayi emema ngai lisusu te,
mozindo emela lisusu ngai te,
mpe libulu ekangamela ngai te !

17 ^{▼▼69:16 in most Bibles.} Yawe, yanola ngai, pamba te bolingo na Yo ezali malamu ;
baluka epai na ngai, na mawa monene na Yo.
18 ^{▼▼69:17 in most Bibles.} Kobombela lisusu mosali na Yo te elongi na Yo.
Yanola ngai noki, pamba te nazali na pasi.
19 ^{▼▼69:18 in most Bibles.} Pusana pene na ngai, mpe sikola ngai ;
kangola ngai wuta na maboko ya bayini na ngai.

20 ^{▼▼69:19 in most Bibles.} Oyebi ndenge nini nazali kofingama,
oyebi soni mpe kosambwa na ngai ;
banguna na ngai nyonso bazali liboso na Yo.
21 ^{▼▼69:20 in most Bibles.} Mafinga ezokisi motema na ngai,
mpe pota yango ezali kosila te ;
nazelaki elembo ya mawa kowuta na bato,
kasi namonaki yango te ;
nalukaki babondisi, kasi namonaki bango te.
22 ^{▼▼69:21 in most Bibles.} Batiaki ngenge kati na bilei na ngai,
mpe bamelisaki ngai vino ya ngayi
tango nayokaki posa ya mayi.

23 ^{▼▼69:22 in most Bibles.} Tika ete mesa na bango ekoma motambo liboso na bango,
mpe kimia na bango ekoma monyama.
24 ^{▼▼69:23 in most Bibles.} Tika ete miso na bango ekufa mpo ete bamona lisusu te,
mpe babela mikongo mpo na libela.
25 ^{▼▼69:24 in most Bibles.} Sopela bango kanda makasi na Yo,
mpe tika ete kanda na Yo ya makasi ekanga bango.
26 ^{▼▼69:25 in most Bibles.} Tika ete molako na bango etikala polele,
mpe ete moto moko te avanda na bandako na bango ya kapo.
27 ^{▼▼69:26 in most Bibles.} Pamba te bazali konyokola bato oyo ozokisaki,
mpe bazali kopanza sango ya pasi ya bato oyo oyokisaki pasi.
28 ^{▼▼69:27 in most Bibles.} Bakisa mabe na likolo ya mabe na bango,
mpe kokota likambo na bango te na bosembo na Yo.
29 ^{▼▼69:28 in most Bibles.} Tika ete bakombo na bango elongwa na buku ya bomoi,
mpe batangama te na molongo ya bato ya sembo.

30 ^{▼▼69:29 in most Bibles.} Solo, nazali mobola mpe moto ya pasi ;
kasi lobiko na Yo, oh Nzambe, ebatelaka ngai.

31 ^{▼▼69:30 in most Bibles.} Nakoyemba mpo na lokumu ya Kombo ya Nzambe,
mpe nakopesa Ye nkembo elongo na matondi.
32 ^{▼▼69:31 in most Bibles.} Yango nde ekosepelisa Yawe,
koleka ngombe oyo ezali na maseke
mpe na makolo ekabwana.
33 ^{▼▼69:32 in most Bibles.} Babola bamoni mpe bazali kosepela.
Tika ete mitema na bino oyo bolukaka Nzambe ezala na bomoi !
34 ^{▼▼69:33 in most Bibles.} Pamba te Yawe ayokaka bato oyo bakelela,
mpe atiolaka bato na Ye te ata bazali bakangami kati na boloko.

35 ^{▼▼69:34 in most Bibles.} Tika ete likolo mpe mabele,
bibale minene mpe nyonso oyo ezali kati na yango ekumisa Ye !
36 ^{▼▼69:35 in most Bibles.} Pamba te Nzambe akobikisa Siona
mpe akotonga lisusu bingumba ya Yuda.
Bato bakovanda kuna
mpe bakozwa yango lokola libula na bango.
37 ^{▼▼69:36 in most Bibles.} Bakitani ya basali na Ye bakozwa
yango lokola libula,
mpe bato oyo balingaka Kombo na Ye
bakovanda kati na yango.