Psa 7 | LinMNB | STEP | Wuta na buku ya mokambi ya bayembi. Nzembo ya mawa oyo Davidi ayembelaki Yawe na tina na Kushi, moto ya libota ya Benjame.

‏ Psalms 7

Yawe, longisa ngai

1 ^{▼▼7:1 in some Bibles.} Wuta na buku ya mokambi ya bayembi. Nzembo ya mawa oyo Davidi ayembelaki Yawe na tina na Kushi, moto ya libota ya Benjame.

2 ^{▼▼7:1 in most Bibles.} Yawe, Nzambe na ngai, nabombamaka kati na Yo ;
bikisa ngai mpe kangola ngai liboso ya bato nyonso
oyo balukaka koboma ngai.
3 ^{▼▼7:2 in most Bibles.} Soki te, bakopasola ngai lokola nkosi
mpe bakokata ngai na biteni,
mpe moto akozala te mpo na kosunga ngai.

4 ^{▼▼7:3 in most Bibles.} Yawe, Nzambe na ngai, soki nasalaki makambo
oyo bazali kopamela ngai mpo na yango,
mpe soki ezali na mabe na maboko na ngai,
5 ^{▼▼7:4 in most Bibles.} soki nasalaki moninga na ngai mabe,
soki nabotolaki na makasi mpe kaka na pamba,
biloko ya moyini na ngai ;
6 ^{▼▼7:5 in most Bibles.} wana tika ete monguna na ngai alanda mpe akanga ngai,
tika ete asakanela bomoi na ngai
mpe abebisa lokumu na ngai.

7 ^{▼▼7:6 in most Bibles.} Yawe, telema na kanda na Yo,
telemela kotomboka ya banguna na ngai.
Nzambe na ngai, telema, kata likambo na ngai.
8 ^{▼▼7:7 in most Bibles.} Tika ete bikolo esangana zingazinga na Yo,
kasi Yo, konza bango wuta na Kiti na Yo ya Bokonzi.
9 ^{▼▼7:8 in most Bibles.} Tika ete Yawe asambisa bikolo.
Yawe, longisa ngai kolanda bosembo na ngai,
kolanda bozangi pamela na ngai,
Yo-Oyo-Oleki-Likolo.

10 ^{▼▼7:9 in most Bibles.} Yo Nzambe ya sembo oyo ososolaka
mozindo ya mayele mpe ya mitema,
sukisa kanza ya bato mabe
mpe yikisa moto ya sembo mpiko.

11 ^{▼▼7:10 in most Bibles.} Nzambe-Oyo-Aleki-Likolo azali nguba na ngai,
abikisaka bato ya sembo.
12 ^{▼▼7:11 in most Bibles.} Nzambe azali Mosambisi ya sembo,
asilikaka mikolo nyonso.
13 ^{▼▼7:12 in most Bibles.} Soki alembisi kanda na Ye te,
akopelisa minu ya mopanga na Ye,
akobongisa mpe akobeta tolotolo na Ye.
14 ^{▼▼7:13 in most Bibles.} Abongisaka bibundeli oyo ebomaka
mpe asalaka ete makonga na Ye ekoma kozikisa.

15 ^{▼▼7:14 in most Bibles.} Moto nyonso oyo abongisaka kosala mabe
alukaka ndenge nini koyokisa bato pasi
mpe abebisaka boyokani ;
16 ^{▼▼7:15 in most Bibles.} atimolaka libulu,
kasi ye moko nde akweyaka kati na yango.
17 ^{▼▼7:16 in most Bibles.} Pasi oyo ayokisaka bato ezongelaka ye moko,
mpe mabe na ye ekweyaka na moto na ye moko.

18 ^{▼▼7:17 in most Bibles.} Nakokumisa Yawe mpo na bosembo na Ye,
mpe nakosanzola Yawe-Oyo-Aleki-Likolo na banzembo.