Psa 76 | LinMNB | STEP | Wuta na buku ya mokambi ya bayembi. Ezali ya koyemba na lindanda. Nzembo ya Azafi.

‏ Psalms 76

Nzambe azali molongi

1 ^{▼▼76:1 in some Bibles.} Wuta na buku ya mokambi ya bayembi. Ezali ya koyemba na lindanda. Nzembo ya Azafi.

2 ^{▼▼76:1 in most Bibles.} Nzambe ayebani kati na Yuda ;
Kombo na Ye ezali monene kati na Isalaele.
3 ^{▼▼76:2 in most Bibles.} Ndako na Ye ya kapo ezali na Salemi ;
mpe esika na Ye ya kovanda ezali na Siona.

4 ^{▼▼76:3 in most Bibles.} Ezali kuna nde abukaki makonga ya makasi,
banguba, mipanga
mpe bibundeli nyonso ya bitumba.
5 ^{▼▼76:4 in most Bibles.} Ozali kongenga lokola mwinda,
otonda na lokumu koleka bangomba
ya babotoli bomengo ya bitumba.

6 ^{▼▼76:5 in most Bibles.} Bilombe nyonso ya mpiko bakweyisamaki,
balalaki pongi na bango ya suka ;
basoda nyonso bakokaki lisusu te kotombola maboko.
7 ^{▼▼76:6 in most Bibles.} Nzambe ya Jakobi, na kanda na Yo,
bato oyo babundaka likolo ya bampunda
elongo na bampunda bakweyi na somo.
8 ^{▼▼76:7 in most Bibles.} Solo, ozali somo !
Nani akokoka kotelema liboso na Yo soki osiliki ?

9 ^{▼▼76:8 in most Bibles.} Wuta na likolo, osalaka ete mokano na Yo
eyokana na matoyi ya bato ;
mokili ekomaka na kobanga mpe evandaka kimia
10 ^{▼▼76:9 in most Bibles.} tango, Yo Nzambe, otelemaka mpo na kosambisa
mpe kobikisa banyokolami nyonso ya mokili.
11 ^{▼▼76:10 in most Bibles.} Pamba te kanda makasi ya bato esanzolaka Yo,
mpe olataka kanda ya batikali.

12 ^{▼▼76:11 in most Bibles.} Epai ya Yawe, Nzambe na bino,
bopesa bilaka mpe bokokisa yango.
Tika ete bato nyonso oyo bazingeli Ye
bamemela Nzambe ya somo makabo !
13 ^{▼▼76:12 in most Bibles.} Abukaka lolendo ya bakambi,
mpe bakonzi ya mokili babangaka Ye.