Psa 80 | LinMNB | STEP | Wuta na buku ya mokambi ya bayembi. Ezali ya koyemba lokola « Lisi ya Mobeko.

‏ Psalms 80

Eh Yawe, kino tango nini ?

1 ^{▼▼80:1 in some Bibles.} Wuta na buku ya mokambi ya bayembi. Ezali ya koyemba lokola « Lisi ya Mobeko. » Litatoli. Nzembo ya Azafi.

2 ^{▼▼80:1 in most Bibles.} Mobateli ya Isalaele,
Yo oyo otambolisaka Jozefi
lokola etonga ya bameme, yoka ;
Yo oyo Kiti ya Bokonzi na Yo ezali
kati na basheribe, mimonisa
3 ^{▼▼80:2 in most Bibles.} liboso ya Efrayimi, ya Benjame
mpe ya Manase.
Monisa nguya na Yo
mpe yaka kobikisa biso !

4 ^{▼▼80:3 in most Bibles.} Oh Nzambe, sala ete tozongela ndenge tozalaki,
ngengisela biso elongi na Yo mpo ete tobika.

5 ^{▼▼80:4 in most Bibles.} Eh Yawe, Nzambe-Na-Nguya-Nyonso,
kino tango nini okotombokela
mabondeli ya bato na Yo ?
6 ^{▼▼80:5 in most Bibles.} Oleisaki bango lipa esangana na mayi ya miso
mpe olangwisaki bango na kopo
etonda na mpinzoli ;
7 ^{▼▼80:6 in most Bibles.} okomisaki biso eloko ya kotiola
mpo na bazalani na biso,
mpe banguna na biso bakomi kotiola biso.

8 ^{▼▼80:7 in most Bibles.} Nzambe-Na-Nguya-Nyonso,
sala ete tozongela ndenge tozalaki,
ngengisela biso elongi na Yo
mpo ete tobika.

9 ^{▼▼80:8 in most Bibles.} Nzete ya vino oyo opikolaki wuta na Ejipito,
olonaki yango wana obenganaki bikolo ebele.
10 ^{▼▼80:9 in most Bibles.} Obongiselaki yango mabele
mpo ete ezwa misisa mpe etondisa mokili.
11 ^{▼▼80:10 in most Bibles.} Elili na yango ezipaki bangomba,
bitape na yango ezalaki
lokola banzete minene ya sedele.
12 ^{▼▼80:11 in most Bibles.} Epanzaki bitape na yango kino na ebale monene,
mpe mito na yango ya sika kino na ebale.

13 ^{▼▼80:12 in most Bibles.} Mpo na nini otoboli madusu
kati na bamir na yango ?
Tala ndenge baleki nzela bazali kobuka
bambuma na yango !
14 ^{▼▼80:13 in most Bibles.} Ngulu ya zamba ezali kobebisa yango,
mpe nyama ya zamba ezali kolia yango.
15 ^{▼▼80:14 in most Bibles.} Zongela biso lisusu,
Nzambe-Na-Nguya-Nyonso !
Wuta na likolo, tala mpe mona !
Senzela mpo na nzete oyo ya vino !
16 ^{▼▼80:15 in most Bibles.} Batela nzete oyo loboko na Yo ya mobali elonaki,
batela solo mwana oyo Yo moko obokolaki.

17 ^{▼▼80:16 in most Bibles.} Bakati nzete na Yo ya vino
mpe batumbi yango na moto ;
tika ete bakufa na pamela ya elongi na Yo !
18 ^{▼▼80:17 in most Bibles.} Tika ete loboko na Yo ezala na likolo ya mokonzi
oyo avandi na ngambo ya loboko na Yo ya mobali,
mpe na likolo ya mwana na moto
oyo Yo moko okomisaki makasi.
19 ^{▼▼80:18 in most Bibles.} Boye, tokozala lisusu mosika na Yo te ;
zongisela biso lisusu bomoi,
mpe tokobelela Kombo na Yo.

20 ^{▼▼80:19 in most Bibles.} Yawe, Nzambe-Na-Nguya-Nyonso,
sala ete tozongela ndenge tozalaki,
ngengisela biso elongi na Yo mpo ete tobika.