Psa 81 | LinMNB | STEP | Wuta na buku ya mokambi ya bayembi. Nzembo ya Azafi. Ezali ya koyemba na lindanda ya bato ya Gati.

‏ Psalms 81

Soki bato na ngai bazalaki koyokela ngai…

1 ^{▼▼81:1 in some Bibles.} Wuta na buku ya mokambi ya bayembi. Nzembo ya Azafi. Ezali ya koyemba na lindanda ya bato ya Gati.

2 ^{▼▼81:1 in most Bibles.} Boganga na esengo
epai ya Nzambe, makasi na biso !
Bobetela Nzambe ya Jakobi maboko !
3 ^{▼▼81:2 in most Bibles.} Boyemba banzembo, bobeta bambunda mike,
lindanda oyo ebimisaka lokito kitoko mpe nzenze !
4 ^{▼▼81:3 in most Bibles.} Bobeta kelelo na ebandeli ya sanza,
na tango oyo sanza mobimba engengaka,
mpo na mokolo ya feti na biso !

5 ^{▼▼81:4 in most Bibles.} Pamba te ezali mobeko mpo na Isalaele,
mpe mokano ya Nzambe ya Jakobi.
6 ^{▼▼81:5 in most Bibles.} Atiaki yango lokola mobeko mpo na Jozefi
tango abundisaki Ejipito.

Nazali koyoka lokota oyo nayebi te :
7 ^{▼▼81:6 in most Bibles.} « Nalongolaki mokumba
oyo ezalaki na mapeka na ye,
mpe maboko na ye elongwaki
na bowumbu ya kosimba bitunga. »
8 ^{▼▼81:7 in most Bibles.} Tango ozalaki koganga mpo na pasi,
nakangolaki yo,
nayanolaki yo kati na kake
epai wapi nabombamaki,
namekaki yo pembeni ya mayi ya Meriba.

9 ^{▼▼81:8 in most Bibles.} Bato na ngai, boyoka ngai !
Mpe nakokebisa bino.
Ah Isalaele, soki kaka ozalaki koyokela ngai !
10 ^{▼▼81:9 in most Bibles.} Okozala na nzambe ya mopaya te kati na yo,
okogumbamela nzambe mosusu te,
longola kaka ngai !
11 ^{▼▼81:10 in most Bibles.} Nazali Yawe, Nzambe na yo,
oyo abimisaki yo na Ejipito ;
fungola malamu monoko na yo,
mpe nakotondisa yango.

12 ^{▼▼81:11 in most Bibles.} Kasi bato na ngai bayokaki mongongo na ngai te,
Isalaele aboyaki kotosa ngai.
13 ^{▼▼81:12 in most Bibles.} Mpo na yango, natikaki bango kotambola
kolanda baposa ya mitema makasi na bango ;
mpe balandaki makanisi na bango.
14 ^{▼▼81:13 in most Bibles.} Soki bato na ngai bazalaki koyokela ngai,
soki Isalaele azalaki kolanda banzela na ngai,
15 ^{▼▼81:14 in most Bibles.} nalingaki mbala moko koyokisa
banguna na bango soni
mpe kobundisa bayini na bango.
16 ^{▼▼81:15 in most Bibles.} Mpe bato oyo bayinaka Yawe
balingaki komikitisa liboso na Ye,
mpe etumbu na bango elingaki kowumela
mpo na libela.
17 ^{▼▼81:16 in most Bibles.} Yawe alingaki koleisa Isalaele
bilei ya kitoko
mpe kotondisa bango na mafuta ya nzoyi.