Psa 83 | LinMNB | STEP | Nzembo ya Azafi.

‏ Psalms 83

Telemela banguna na Yo

1 ^{▼▼83:1 in some Bibles.} Nzembo ya Azafi.

2 ^{▼▼83:1 in most Bibles.} Oh Nzambe, kovanda nye te !
Nzambe, kokanga monoko na Yo te,
kotikala kimia te !
3 ^{▼▼83:2 in most Bibles.} Tala ndenge banguna na Yo bazali kotomboka ;
tala ndenge bayini na Yo bazali kotombola
mito na bango !
4 ^{▼▼83:3 in most Bibles.} Bazali kosalela bato na Yo likita,
kokanela bato oyo obatelaka.
5 ^{▼▼83:4 in most Bibles.} Bazali koloba : « Boya, toboma bango nyonso
mpo ete ekolo na bango ezala lisusu te,
mpo ete batanga lisusu kombo ya Isalaele te. »

6 ^{▼▼83:5 in most Bibles.} Basangani mpe bayokani,
basali boyokani mpo na kotelemela Yo :
7 ^{▼▼83:6 in most Bibles.} bato ya Edomi mpe bato ya Isimaeli,
bato ya Moabi mpe bato ya Agari,
8 ^{▼▼83:7 in most Bibles.} Gebali, Amoni mpe Amaleki,
bato ya Filisitia elongo na bato ya Tiri.
9 ^{▼▼83:8 in most Bibles.} Bato ya Asiri mpe basangani elongo na bango
mpo na kobakisa bakitani ya Loti makasi.

10 ^{▼▼83:9 in most Bibles.} Sala bango ndenge osalaki Madiani,
ndenge osalaki Sisera mpe Yabini,
kuna na mayi ya Kishoni.
11 ^{▼▼83:10 in most Bibles.} Babebisamaki na Eyini-Dori,
bakomaki lokola matiti ya kopola mpo na mabele.
12 ^{▼▼83:11 in most Bibles.} Sala bato na bango ya lokumu
ndenge osalaki Orebi mpe Zeebi ;
mpe sala bakambi na bango
ndenge osalaki Zeba mpe Tsalimuna
13 ^{▼▼83:12 in most Bibles.} oyo bazalaki koloba :
« Tobotola mabele ya Nzambe ! »

14 ^{▼▼83:13 in most Bibles.} Nzambe na ngai, balola bango
lokola matiti oyo mopepe ezali kopumbwisa.
15 ^{▼▼83:14 in most Bibles.} Ndenge moto ezikisaka zamba,
ndenge moto makasi ezikisaka bangomba,
16 ^{▼▼83:15 in most Bibles.} landa bango na nzela ya mopepe na Yo
mpe bangisa bango
na nzela ya mopepe makasi na Yo !

17 ^{▼▼83:16 in most Bibles.} Yawe, tondisa bilongi na bango na soni
mpo ete baluka Kombo na Yo !
18 ^{▼▼83:17 in most Bibles.} Tika ete soni mpe somo makasi elata bango
mpo na libela !
Tika ete bakufa na soni !
19 ^{▼▼83:18 in most Bibles.} Tika bayeba ete Yo,
oyo Kombo na Yo ezali Yawe,
ozali Ye-Oyo-Aleki-Likolo
kati na mokili mobimba !