Psa 85 | LinMNB | STEP | Wuta na buku ya mokambi ya bayembi. Nzembo ya bana ya Kore.

‏ Psalms 85

Yawe asalelaka biso bolamu

1 ^{▼▼85:1 in some Bibles.} Wuta na buku ya mokambi ya bayembi. Nzembo ya bana ya Kore.

2 ^{▼▼85:1 in most Bibles.} Yawe, osalelaki mboka na Yo bolamu,
ozongisaki bato ya Jakobi,
oyo bazalaki na bowumbu,
3 ^{▼▼85:2 in most Bibles.} olimbisaki mabe ya bato na Yo
mpe olongolaki masumu na bango nyonso.

4 ^{▼▼85:3 in most Bibles.} Otikaki kanda na Yo nyonso ya makasi
mpe okitisaki motema na Yo.
5 ^{▼▼85:4 in most Bibles.} Nzambe Mobikisi na biso, zongela biso !
Longola kanda na Yo na tina na biso !
6 ^{▼▼85:5 in most Bibles.} Boni, okosilikela biso penza mpo na libela ?
Okokangela penza biso kanda
mpo na tango nyonso ?

7 ^{▼▼85:6 in most Bibles.} Okozongisela biso lisusu bomoi te
mpo ete bato na Yo basepela kati na Yo ?
8 ^{▼▼85:7 in most Bibles.} Yawe, talisa biso bolingo na Yo,
mpe pesa biso lobiko na Yo !

9 ^{▼▼85:8 in most Bibles.} Yawe,
nakoyoka maloba na Nzambe ;
pamba te alobaka mpo na kimia ya bato na Ye
mpe ya bayengebene na Ye.
Kasi tika ete bazongela te botomboki na bango.
10 ^{▼▼85:9 in most Bibles.} Solo, lobiko na Ye ezali pene ya bato
oyo batosaka Ye
mpo ete nkembo na Ye ewumela
kati na mboka na biso.
11 ^{▼▼85:10 in most Bibles.} Bolingo mpe boyengebene ekutanaka,
bosembo mpe kimia eyambanaka.
12 ^{▼▼85:11 in most Bibles.} Bosolo ebotaka wuta na mabele,
mpe bosembo etalaka wuta na likolo.

13 ^{▼▼85:12 in most Bibles.} Ye moko Yawe akopesa esengo,
mpe mabele na biso ekobota bambuma.
14 ^{▼▼85:13 in most Bibles.} Bosembo etambolaka liboso na Ye
mpe elakisaka nzela oyo ekolekela.