Psa 9 | LinMNB | STEP | Wuta na buku ya mokambi ya bayembi. Nzembo ya Davidi.

‏ Psalms 9

Nzambe akataka makambo

1 ^{▼▼9:1 in some Bibles.} Wuta na buku ya mokambi ya bayembi. Nzembo ya Davidi.

2 ^{▼▼9:1 in most Bibles.} Nakosanzola Yawe na motema na ngai mobimba,
nakotatola misala minene na Yo nyonso.
3 ^{▼▼9:2 in most Bibles.} Nakozala na esengo mpe nakosepela kati na Yo,
nakoyemba mpo na lokumu ya Kombo na Yo-Oyo-Oleki-Likolo.

4 ^{▼▼9:3 in most Bibles.} Banguna na ngai bazongaka sima,
bakweyaka mpe balimwaka liboso na Yo.
5 ^{▼▼9:4 in most Bibles.} Pamba te, okataki likambo na ngai
mpe olongisaki ngai,
ovandi na Kiti ya Bokonzi
lokola Mosambisi ya sembo.
6 ^{▼▼9:5 in most Bibles.} Opamelaki bikolo mpe obomaki moto mabe,
olimwisaki kombo na bango mpo na libela.
7 ^{▼▼9:6 in most Bibles.} Banguna na ngai balimwa mpo na libela ;
opanzaki bingumba na bango
kino bakanisa bango lisusu te.

8 ^{▼▼9:7 in most Bibles.} Yawe akonzaka mpo na libela,
atia Kiti na Ye ya Bokonzi
mpo na kokata makambo ya bato.
9 ^{▼▼9:8 in most Bibles.} Akonzaka mokili na bosembo,
akataka makambo ya bato na alima.
10 ^{▼▼9:9 in most Bibles.} Yawe azali ebombamelo
mpo na bato oyo bazali konyokolama,
mpe ndako makasi mpo na tango ya pasi.
11 ^{▼▼9:10 in most Bibles.} Bato oyo bayebi Kombo na Yo
batiaka elikya na bango kati na Yo ;
pamba te, Yo Yawe,
osundolaka te bato oyo balukaka Yo.

12 ^{▼▼9:11 in most Bibles.} Boyembela Yawe oyo avandaka kati na Siona
banzembo ya masanzoli ;
bopanza sango ya misala na Ye kati na bikolo.
13 ^{▼▼9:12 in most Bibles.} Pamba te Yawe azongisaka mabe na mabe
mpo na makila oyo esopani,
akanisaka koganga ya banyokolami.

14 ^{▼▼9:13 in most Bibles.} Yawe, yokela ngai mawa,
tala ndenge nini bayini na ngai
bazali konyokola ngai,
mpe kangola ngai wuta na bikuke ya kufa ;
15 ^{▼▼9:14 in most Bibles.} mpo ete napanza sango ya lokumu na Yo
kati na bikuke ya Siona, mboka kitoko,
mpe nasepela na lobiko na Yo kuna.

16 ^{▼▼9:15 in most Bibles.} Bapagano bakweyi na libulu
oyo batimolaki,
makolo na bango ekangami na mitambo
oyo bango moko basalaki.
17 ^{▼▼9:16 in most Bibles.} Yawe amilakisi
na nzela ya misala na Ye ya bosembo ;
bato mabe bakangami
na mitambo oyo bango moko basalaki.
18 ^{▼▼9:17 in most Bibles.} Bato mabe, bikolo nyonso,
oyo bakanisaka Nzambe te,
bakokende na mboka ya bakufi.
19 ^{▼▼9:18 in most Bibles.} Kasi Nzambe akotikala te kobosana mobola,
mpe elikya ya banyokolami ekotikala seko na seko.

20 ^{▼▼9:19 in most Bibles.} Yawe, telema ! Tika ete moto alonga te ;
tika ete bapagano basamba liboso na Yo !
21 ^{▼▼9:20 in most Bibles.} Yawe, tika ete somo ekanga bango ;
tika ete bapagano bayeba ete bazali na bango kaka bato !