Psa 92 | LinMNB | STEP | Nzembo ya koyemba na mokolo ya Saba.

‏ Psalms 92

Ezali malamu kokumisa Yawe

1 ^{▼▼92:1 in some Bibles.} Nzembo ya koyemba na mokolo ya Saba.

2 ^{▼▼92:1 in most Bibles.} Tala ndenge ezali malamu kosanzola Yawe
mpe koyemba mpo na lokumu ya Kombo na
Yo-Oyo-Oleki-Likolo !
3 ^{▼▼92:2 in most Bibles.} Tala ndenge ezali malamu kosakola bolingo na Yo,
na tongo,
mpe boyengebene na Yo, na butu,
4 ^{▼▼92:3 in most Bibles.} na lindanda ya basinga zomi
mpe na nzenze !
5 ^{▼▼92:4 in most Bibles.} Yawe, misala na Yo esepelisaka ngai !
Nagangaka na esengo liboso ya misala
ya maboko na Yo.
6 ^{▼▼92:5 in most Bibles.} Yawe, misala na Yo ezali minene,
mpe makanisi na Yo ezali mozindo !

7 ^{▼▼92:6 in most Bibles.} Moto ya kilikili ayebaka te,
mpe zoba asosolaka eloko moko te.
8 ^{▼▼92:7 in most Bibles.} Tango bato mabe bakolaka lokola matiti,
mpe bato nyonso ya misala mabe bafulukaka,
ezalaka nde mpo ete babebisama libela.

9 ^{▼▼92:8 in most Bibles.} Kasi Yo, kuna na likolo,
ozali Yawe mpo na libela.
10 ^{▼▼92:9 in most Bibles.} Yawe, banguna na Yo,
banguna na Yo bakokufa penza ;
bato nyonso ya misala mabe bakolimwa.

11 ^{▼▼92:10 in most Bibles.} Okomisi ngai makasi lokola mpakasa,
opakoli ngai mafuta ya sika.
12 ^{▼▼92:11 in most Bibles.} Miso na ngai ekomi komona bayini na ngai,
mpe matoyi na ngai ekomi koyoka
banguna na ngai nyonso, oyo bamibongisa
mpo na kosala ngai mabe.

13 ^{▼▼92:12 in most Bibles.} Bato ya sembo bafulukaka lokola nzete ya mbila,
bakolaka lokola nzete ya sedele ya Libani.
14 ^{▼▼92:13 in most Bibles.} Lokola bapikama ngwi
kati na Tempelo ya Yawe,
bamonaka bolamu kati na lopango
ya Nzambe na biso.

15 ^{▼▼92:14 in most Bibles.} Ata bakomi mibange, babotaka kaka,
bazalaka kaka makasi mpe kitoko,
16 ^{▼▼92:15 in most Bibles.} basakolaka : « Yawe azali alima,
azali Libanga na biso ;
kati na Ye, mabe ezali te ! »