Psa 108 | LinMNB | STEP | Nzembo ya Davidi.

‏ Psalms 108

Nakolonga

1 ^{▼▼108:1 in some Bibles.} Nzembo ya Davidi.

2 ^{▼▼108:1 in most Bibles.} Nzambe, motema na ngai ezali na kimia !
Nakoyembela Yo, nakosanzola Yo na mindule ;
ezali mpe lokumu na ngai.
3 ^{▼▼108:2 in most Bibles.} Lindanda mpe nzenze, bolamuka !
Nalingi kolamusa tongo.

4 ^{▼▼108:3 in most Bibles.} Nkolo, nakosanzola Yo kati na bato,
nakoyembela Yo kati na bikolo.
5 ^{▼▼108:4 in most Bibles.} Pamba te bolingo na Yo ezali monene koleka Lola,
mpe bosembo na Yo ekenda kino na mapata.

6 ^{▼▼108:5 in most Bibles.} Oh Nzambe, tika ete otombolama na likolo ya Lola,
mpe nkembo na Yo ezala awa na mokili mobimba !
7 ^{▼▼108:6 in most Bibles.} Bikisa biso na nguya ya loboko na Yo
mpe yanola biso,
mpo ete balingami na Yo bakangolama !

8 ^{▼▼108:7 in most Bibles.} Nzambe alobaki kati na Esika na Ye ya bule :
« Nakolonga ! Nakokabola Sishemi
mpe nakotia bandelo ya lubwaku ya Sukoti.
9 ^{▼▼108:8 in most Bibles.} Galadi ezali ya ngai,
Manase mpe ezali ya ngai ;
Efrayimi ezali ekoti na ngai ya ebende,
mpe Yuda ezali lingenda na ngai ya bokonzi.
10 ^{▼▼108:9 in most Bibles.} Moabi ezali sani monene oyo nasukolelaka,
Edomi ezali esika oyo nabwakaka sandale na ngai.
Nazali kobeta milolo ya bitumba
mpo na kobundisa mokili ya Filisitia. »

11 ^{▼▼108:10 in most Bibles.} Nani akomema ngai na engumba batonga makasi ?
Nani akotambolisa ngai kino na Edomi ?
12 ^{▼▼108:11 in most Bibles.} Ezali Yo te, Nzambe oyo obwakaki biso,
Nzambe oyo ozalaki lisusu te kokende bitumba
elongo na mampinga na biso !
13 ^{▼▼108:12 in most Bibles.} Yaka kosunga biso,
kangola biso liboso ya moyini !
Pamba te lisungi ya bato ezali pamba.
14 ^{▼▼108:13 in most Bibles.} Elongo na Nzambe,
tokosala makambo minene mpe ya kokamwa ;
ezali Ye nde akonyata banguna na biso.