Psa 36 | LinMNB | STEP | Nzembo ya Davidi, mowumbu ya Yawe. Wuta na buku ya mokambi ya bayembi.

‏ Psalms 36

Boboto ya Yawe

1 ^{▼▼36:1 in some Bibles.} Nzembo ya Davidi, mowumbu ya Yawe. Wuta na buku ya mokambi ya bayembi.

2 ^{▼▼36:1 in most Bibles.} Kati na motema na ngai,
nazali na sango kowuta na Nzambe
na tina na bato mabe oyo batondi na masumu :
Kotosa Nzambe ezali na tina ata moke te na miso na bango.

3 ^{▼▼36:2 in most Bibles.} Bamipesaka lokumu makasi,
bandimaka te mpe bayinaka masumu na bango te.
4 ^{▼▼36:3 in most Bibles.} Minoko na bango ebimisaka maloba mabe mpe lokuta,
baboyaka kosala na bokebi mpe kosala bolamu.
5 ^{▼▼36:4 in most Bibles.} Ezala na bambeto na bango,
basalaka kaka mabongisi ya kosala mabe,
batambolaka te mpo na kosala bolamu
mpe baboyaka mabe te.

6 ^{▼▼36:5 in most Bibles.} Yawe, bolingo na Yo ekenda kino na likolo,
boyengebene na Yo kino na mapata.
7 ^{▼▼36:6 in most Bibles.} Bosembo na Yo ezali lokola bangomba ya Nzambe,
mikano na Yo ezali mozindo lokola lubwaku ya molayi.
Yawe, obikisaka bato mpe banyama.
8 ^{▼▼36:7 in most Bibles.} Oh Nzambe, tala ndenge nini bolingo na Yo ezali motuya !
Bato bazwaka ebombamelo na elili ya mapapu na Yo.
9 ^{▼▼36:8 in most Bibles.} Baliaka mpe batondaka bilei ya Ndako na Yo,
mpe omelisaka bango mayi
kowuta na bolingo monene na Yo.
10 ^{▼▼36:9 in most Bibles.} Pamba te etima ya bomoi ezali elongo na Yo ;
kati na pole na Yo nde tomonaka pole.

11 ^{▼▼36:10 in most Bibles.} Koba kotalisa bolingo na Yo epai ya bato oyo bayebi Yo,
mpe bosembo na Yo epai ya bato ya mitema alima.
12 ^{▼▼36:11 in most Bibles.} Tika ete bato ya lolendo bakoma te kino epai na ngai,
mpe tika ete bato mabe babengana ngai te.
13 ^{▼▼36:12 in most Bibles.} Tala ndenge nini bato ya misala mabe bakweyi,
balali na mabele, bazangi makoki ya kotelema.