Luk 5:17-22 | LinMNB | STEP | Mokolo moko tango Yesu azalaki koteya, bafarizeo mpe balakisi ya Mibeko, bango bawutaki na bamboka nyonso ya Galileya, ya Yudea, mpe na Yeruzalem, bayaki kovanda wana. Bongo nguya ya Nkolo ezalaki elongo na ye mpo na kobikisa bato ya maladi.

‏ Luke 5:17-22

17 Mokolo moko tango Yesu azalaki koteya, bafarizeo mpe balakisi ya Mibeko, bango bawutaki na bamboka nyonso ya Galileya, ya Yudea, mpe na Yeruzalem, bayaki kovanda wana. Bongo nguya ya Nkolo ezalaki elongo na ye mpo na kobikisa bato ya maladi. 18 Bato moko bamemaki moto moko akufa makolo na mbeto. Bazalaki koluka nzela ya kokotisa ye na ndako mpe kotia ye liboso ya Yesu. 19 Lokola bamonaki nzela te ya kokotisa ye na ndako, mpo bato bazalaki ebele, bamataki likolo ya ndako, mpe bakitisaki ye na mbeto, na lidusu oyo batobolaki na matolo, na kati-kati ya ebele ya bato, liboso ya Yesu.

20 Tango Yesu amonaki kondima na bango, alobaki :

—Mobali, masumu na yo elimbisami !

21 Bafarizeo mpe balakisi ya Mibeko babandaki kokanisa na nse ya mitema :

—Moto oyo azali nani oyo azali kobimisa maloba ya kotiola Nzambe ? Nani akoki kolimbisa masumu, soki ezali kaka ye moko Nzambe te ?

22 Kasi Yesu ayebaki makanisi na bango mpe atunaki bango :

—Mpo na nini bozali kokanisa ndenge wana na mitema na bino ?