Luk 6:6-11 | LinMNB | STEP | Mokolo mosusu ya saba, Yesu akotaki na ndako ya mayangani mpe azalaki koteya. Moto moko azalaki wana azalaki na loboko ya mobali ekufa.

Luke 6:6-11

6 Mokolo mosusu ya saba, Yesu akotaki na ndako ya mayangani mpe azalaki koteya. Moto moko azalaki wana azalaki na loboko ya mobali ekufa. 7 Balakisi ya Mibeko mpe bafarizeo bazalaki kotala Yesu malamu-malamu mpo bamona soki akobikisa moto na mokolo ya saba, mpo ete bazwa likambo ya kofundela ye.

8 Kasi Yesu ayebaki makambo oyo bazalaki kokanisa. Bongo alobaki na moto oyo akufa loboko :

—Telema, mpe yaka awa liboso ya bato nyonso ! Moto yango atelemaki mpe ayaki wana.

9 Bongo Yesu alobaki na bango :

—Nazali kotuna bino, likambo nini epesami ndingisa kosala na mokolo ya saba : kosala malamu to kosala mabe, kobikisa bomoi ya moto to koboma yango ?

10 Yesu atalaki bango nyonso moko na moko mpe alobaki na moto oyo akufa loboko :

—Sembola loboko na yo ! Moto yango asalaki bongo, mpe loboko na ye ekomaki malamu. 11 Kasi balakisi ya Mibeko mpe bafarizieo batondaki na kanda mpe babandaki koyokana mpo na koluka likambo oyo bakokaki kosala Yesu.

Luke 6:6-11

Yesu aponi bapostolo zomi na mibale

(Mt. 19.1-4 ; Mk. 3.13-19)