Mar 13:9-13 | LinMNB | STEP | Kasi bino, bomikebisa ! Pamba te, bakokaba bino na batibinale ya Bayuda mpe bakobeta bino na bandako ya mayangani, bakofunda bino liboso ya bayangeli mpe ya bakonzi minene mpo na ngai, mpo ezala litatoli epai na bango.

Mark 13:9-13

9 Kasi bino, bomikebisa ! Pamba te, bakokaba bino na batibinale ya Bayuda mpe bakobeta bino na bandako ya mayangani, bakofunda bino liboso ya bayangeli mpe ya bakonzi minene mpo na ngai, mpo ezala litatoli epai na bango. 10 Kasi esengeli ete Sango Malamu eteyama na bikolo nyonso. 11 Tango bakomema bino mpo na koteka bino, bomitungisa liboso te mpo na makambo oyo bokoloba. Kasi boloba maloba nyonso oyo bakopesa bino na tango wana. Pamba te, ezali bino te bato bokoloba, kasi Molimo-Mosantu. 12 Ndeko akokaba ndeko na ye mpo baboma ye, mpe tata akokaba mwana na ye, mpe bana bakotombokela baboti na bango mpe bakobomisa bango. 13 Bato nyonso bakoyina bino mpo na kombo na ngai. Kasi moto oyo akoyika mpiko kino na suka, akobika !

Mark 13:9-13

(Mt. 24.15-20 ; Lk. 21.20-24 ; 17.23-25)