Mar 3:1-6 | LinMNB | STEP | Yesu akotaki lisusu na ndako ya mayangani epai wapi ezalaki na moto moko akufa loboko.

‏ Mark 3:1-6

Yesu abikisi na mokolo ya Saba

(Mat 12.9-14; Lk 6.6-11)

1 Yesu akotaki lisusu na ndako ya mayangani epai wapi ezalaki na moto moko akufa loboko. 2 Boye bato bazalaki kotala soki Yesu akobikisa ye na mokolo ya Saba mpo na kofunda Ye. 3 Bongo Yesu alobaki na moto oyo akufa loboko : — Telema na liboso ya bato nyonso.

4 Atunaki bango : — Nini epesamela nzela ya kosala na mokolo ya Saba : kosala bolamu to kosala mabe, kobikisa moto to kotika ye kokufa ?

Kasi babatelaki kimia.

5 Yesu atalaki bango na mawa mpe ayokaki pasi mingi na motema mpo ete mitema na bango ezalaki makasi lokola libanga. Yesu alobaki na moto yango : — Sembola loboko na yo !

Moto yango asembolaki loboko na ye, mpe loboko yango ebikaki. 6 Mbala moko, Bafarizeo babimaki mpe bakendeki koyokana na bato ya lisanga ya Erode mpo na koluka nzela ya kobomisa Yesu.