Mar 6:45-50 | LinMNB | STEP | Kaka na tango wana, Yesu atindaki bayekoli na ye bamata na bwato, mpo bakende liboso na ye, na ngambo mosusu ya ebale, epai ya Betsaida, na tango ye azalaki kozongisa bato.

Mark 6:45-50

45 Kaka na tango wana, Yesu atindaki bayekoli na ye bamata na bwato, mpo bakende liboso na ye, na ngambo mosusu ya ebale, epai ya Betsaida, na tango ye azalaki kozongisa bato. 46 Sima ya kozongisa bango, akendaki na ngomba mpo na kobondela.

47 Tango pokwa ekomaki, bwato ekomaki na kati-kati ya ebale, bongo Yesu atikalaki ye moko na mokili. 48 Amonaki ete bayekoli na ye bazalaki na nkokoso mingi mpo na koluka kai, pamba te mopepe ezalaki kozongisa bango na sima. Na pene-pene ya ngonga minei ya tongo, Yesu abandaki koya epai na bango, azalaki kotambola likolo ya ebale. Alingaki koleka pembeni na bango, 49 kasi tango bamonaki ye azalaki kotambola likolo ya ebale, bakanisaki ete ezali elima. Babandaki koganga, 50 pamba te, bango nyonso bamonaki ye, mpe batondaki na somo.

Kaka na tango wana, Yesu alobaki na bango :

—Boyika mpiko, bobanga te, ezali ngai !