Mat 12:38-42 | LinMNB | STEP | Bongo ndambo ya balakisi ya Mibeko mpe bafarizeo balobaki na ye :

Matthew 12:38-42

38 Bongo ndambo ya balakisi ya Mibeko mpe bafarizeo balobaki na ye :

—Moteyi tolingi olakisa biso elembo !

39 Yesu azongisaki :

—Libota ya bato mabe mpe ezangi botosi na Nzambe nde ezali kosenga elembo. Bakopesa ye elembo mosusu te longola kaka oyo esalamaki na moprofeta Jonasi. 40 Pamba te, ndenge Jonasi afandaki na libumu ya mbisi mikolo misato mpe butu misato, ndenge moko mpe Mwana ya Moto akofanda na nseya mabele mikolo misato mpe butu misato.

41 Na mokolo ya kosambisama, bato ya Ninive bakotelema na bato ya tango oyo mpe bakokatela bango etumbu. Pamba te, bango babongolaki mitemana bango tango bayokaki mateya ya Jonasi. Nzokande, moto moko azali awa aleki Jonasi. 42 Na mokolo ya kosambisama, mokonzi mwasi ya Sude akotelema na bato ya tango oyo mpe akokatela bango etumbu. Pamba te, ye awutaki na mboka moko ya mosika mpe ayaki koyoka maloba ya bwania ya Salomon. Nzokande, moto moko azali awa aleki Salomon.

Matthew 12:38-42

(Lk. 11.24-26)