Matthew 26:1-5
Basaleli Yesu likita
(Mlk 14.1-2; Lk 22.1-2; Yn 11.47-53)
1Tango Yesu asilisaki koloba makambo wana nyonso, ayebisaki bayekoli na Ye : 2« Boyebi malamu ete etikali mikolo mibale mpo ete feti ya Pasika ebanda, mpe ete ezali na tango wana nde bakokaba Mwana na Moto mpo ete babaka Ye na ekulusu. » 3Boye, bakonzi ya Banganga-Nzambe mpe bakambi ya bato basanganaki kati na ndako ya Kayifa, mokonzi ya Banganga-Nzambe ; 4bayokanaki kosalela mayele mabe mpo na kokanga Yesu mpe koboma Ye. 5Kasi balobaki : « Tosala yango te na tango ya feti, noki te bato bakotomboka. »
Copyright information for
LinMNB