Job 25 | LuoMLM | STEP | Eka Bildad ja-Shua nodwoko Ayub niya,

‏ Job 25

Bildad odwoko Ayub

1 Eka Bildad ja-Shua nodwoko Ayub niya, 2 “Loch gi luor gin mag Nyasaye;
okelo kwe e piny koa e polo.
3 Bende nitiere ngʼama nyalo kwano jolweny mag Nyasaye?
En ngʼa ma ok nyal neno ler Nyasaye karieny?
4 Ka en kamano, to ere kaka dhano dibed ngʼat makare e nyim Nyasaye?
Koso ere kaka dhano ma dhako onywolo nyalo bedo maler?
5 To ka kata mana dwe ema ok rieny maler
bende kata mana sulwe ok ler e wangʼe,
6 to koro ere kaka dhano
ma kudni akudani dichal e nyime?”