Psa 14 | LuoMLM | STEP | Ngʼat mofuwo wacho e chunye niya, “Nyasaye onge.” Gin joma okethore, timbegi richo mokalo tongʼ, onge kata ngʼato achiel matimo maber.

‏ Psalms 14

Kuom jatend wer. Zaburi mar Daudi.

1 Ngʼat mofuwo wacho e chunye niya,
“Nyasaye onge.”
Gin joma okethore, timbegi richo mokalo tongʼ,
onge kata ngʼato achiel matimo maber.

2 Jehova Nyasaye ngʼiyo ji duto gie polo,
mondo oneye ka bende nitie moro kuomgi ma nigi winjo,
kata ka bende nitie moro kuomgi mamanyo Nyasaye.
3 Ji duto osebaro,
giduto kaachiel gisedoko joma okethore;
onge ngʼama timo maber,
onge kata achiel.

4 Bende joma timo timbe maricho dipuonjre adier?

Gin joma kidho joga kaka ji chamo kuon;
kendo gin joma ok luong Jehova Nyasaye mondo okonygi.
5 Negie kaka luoro dwaro negogi,
nikech Nyasaye nitie e chokruok mar joma kare.
6 Un joma timo gik maricho, uketho chenro joma odhier,
to Jehova Nyasaye e kar pondo margi.

7 Yaye, mad warruok mar Israel obi koa Sayun!
Kinde ma Jehova Nyasaye duogo ne joge mwandugi,
onego joka Jakobo obed moil kendo Israel obed mamor!