Psalms 2
1Angʼo momiyo ogendini chano timo marachkendo ji chano jiemo kayiem nono?
2Ruodhi mag piny osebiro kanyakla
kendo jotelo pimo wach kaachiel,
mondo giked gi Jehova Nyasaye
kendo giked gi ngʼate mowir.
3“Giwacho ni, wachoduru nyorochegi;
kendo wawit ratekegi kucha.”
4To Jal mobet e kom loch e polo to nyierogi anyiera,
Ruoth goyonegi siboi.
5Eka okwerogi kokecho
kendo obwogogi kopongʼ gi mirima mager, kowacho niya,
6“Aseketo Ruoth ma adwaro
e Sayun, goda maler.”
7Abiro hulo chenro mag Jehova Nyasaye ma ok lokre: Nowachona niya, “In wuoda;
kawuono asedoko wuonu.
8Omiyo kwaya gima idwaro
mondo aket ogendini duto obed girkeni mari,
mondo piny ngima obed mwanduni.
9Initelnigi kod ludhi mar nyinyo;
kendo initogi matindo tindo ka agulu.”
10Kuom mano, un ruodhi, beduru mariek;
tangʼuru un joloch mag piny.
11Tiuru ne Jehova Nyasaye gi luoro
kendo moruru e nyime gi luoro.
12Bolreuru e nyim Wuowi,
nono to dipo kokecho kodu mi dongʼad ndalou, motieku,
nimar iye nyalo wangʼ kodu kadiemo wangʼ.
Ji duto mogeno kuome gin joma ogwedhi.
Copyright information for
LuoMLM