Psa 4 | MarMRCV | STEP | संगीत दिग्दर्शकासाठी; तंतुवाद्यावरील दावीदाचे स्तोत्र. हे माझ्या नीतिमान परमेश्वरा, मी तुम्हाला हाक मारेन, तेव्हा मला उत्तर द्या. माझ्या संकटात तुम्हीच मला साहाय्य करा. माझ्यावर दया करा, माझी प्रार्थना ऐका.

‏ Psalms 4

संगीत दिग्दर्शकासाठी; तंतुवाद्यावरील दावीदाचे स्तोत्र.

1 हे माझ्या नीतिमान परमेश्वरा, मी तुम्हाला हाक मारेन,
तेव्हा मला उत्तर द्या.
माझ्या संकटात तुम्हीच मला साहाय्य करा.
माझ्यावर दया करा, माझी प्रार्थना ऐका.

2 अहो मनुष्यांनो, किती वेळा तुम्ही माझ्या गौरवाला काळिमा लावणार?
किती काळ तुम्ही फसवणुकीवर प्रीती कराल आणि खोट्या दैवतांचा शोध कराल ^{▼▼किंवा लबाडी शोधाल}? सेलाह
3 हे लक्षात ठेवा, विश्वासू सेवकांस याहवेहने स्वतःसाठी निवडून बाजूला ठेवले आहे;
मी जेव्हा त्यांचा धावा करेन, तेव्हा ते माझे ऐकतील.

4 भीती बाळगा ^{▼▼किंवा तुम्ही रागात असता} आणि पाप करू नका.
बिछान्यावर असता शांत अंतःकरणाने
त्यांचे चिंतन करा. सेलाह
5 त्यांना नीतियुक्त यज्ञार्पणे करा.
आणि याहवेहवर विश्वास ठेवा.

6 “आमचे कल्याण कोण करणार,” असे अनेकजण म्हणतात,
हे याहवेह, तुमच्या चेहर्‍याचा प्रकाश आम्हावर पाडा.
7 विपुल धान्य व द्राक्षारस देतो त्या आनंदापेक्षाही
कितीतरी अधिक आनंद तुम्ही माझ्या हृदयात दिला आहे.

8 मी शांतचित्ताने झोपी जाईन,
कारण हे याहवेह तुम्हीच
मला सुरक्षित ठेवता.