Psa 13 | MarMRCV | STEP | संगीत दिग्दर्शकासाठी; दावीदाचे स्तोत्र. याहवेह, आणखी किती काळ? सर्वकाळ तुम्ही मला विसरणार का? किती काळ तुम्ही मजपासून तुमचे मुख लपविणार?

‏ Psalms 13

संगीत दिग्दर्शकासाठी; दावीदाचे स्तोत्र.

1 याहवेह, आणखी किती काळ? सर्वकाळ तुम्ही मला विसरणार का?
किती काळ तुम्ही मजपासून तुमचे मुख लपविणार?
2 मी किती काळ माझ्या विचारांशी द्वंद करावे?
कुठवर दुःखाने रात्रंदिवस माझे हृदय व्यापून टाकावे?
कुठवर माझ्या शत्रूंनी मजवर वरचढ व्हावे?

3 याहवेह, माझ्या परमेश्वरा, मजकडे पाहा आणि मला उत्तर द्या.
या अंधारात माझ्या डोळ्यांना प्रकाश द्या, नाहीतर मजवर चिरनिद्रा ओढवेल.
4 माझे शत्रू म्हणतील “मी त्याला पराभूत केले आहे,”
आणि माझ्या पतनाबद्दल ते आनंदित होतील.

5 कारण तुमच्या निरंतर प्रीतीवर मी भरवसा ठेवला आहे;
माझे हृदय तुमच्या तारणात हर्ष करीत आहे.
6 मी याहवेहची स्तुती गाईन,
कारण त्यांनी माझ्यावर उपकार केले आहेत.