Psa 3 | Mg1865 | STEP | Salamo nataon’ i Davida, fony izy nandositra an’ i Absaloma zanany.

‏ Psalms 3

Ny fahatokian’ izay manana an’ Andriamanitra ho Mpiaro, na dia be aza ny fahavalony

Salamo nataon’ i Davida, fony izy nandositra an’ i Absaloma zanany.

2 Jehovah ô, akory izato hamaroan’ ny mampahory ahy! Maro no mitsangana hanohitra ahy. 3 Maro no milaza ny fanahiko hoe: tsy manam-pamonjena amin’ Andriamanitra izy. [Sela.] 4 Kanjo Hianao, Jehovah ô, no ampinga manodidina ahy, Voninahitro sy mpanandratra ny lohako. 5 Amin’ ny feoko no iantsoako an’ i Jehovah, ary any an-tendrombohiny masìna no mamaly ahy Izy. 6 Izaho nandry ka natory; nifoha aho, satria Jehovah no manohana ahy. [Sela.] 7 Tsy hatahotra olona alinalina aho, izay milahatra manodidina hamely ahy. 8 Mitsangàna, Jehovah ô; vonjeo aho, Andriamanitro ô; fa efa namely ny takolaky ny fahavaloko rehetra Hianao; ny nifin’ ny ratsy fanahy novakivakinao. 9 An’ i Jehovah ny famonjena; Ho amin’ ny olonao anie ny fitahianao ^{▼▼Na: Ho amin’ ny olonao ny fitahianao.}. [Sela.]