1 Chronicles 11:10-41
Amaqhawe kaDavida
10Lalezi zinhloko zamaqhawe uDavida ayelazo, ezaziqinisa kanye laye embusweni wakhe, loIsrayeli wonke, ukumenza inkosi a, njengelizwi leNkosi mayelana loIsrayeli b. 11Laleli linani lamaqhawe uDavida ayelawo: UJashobeyamu indodana yomHakimoni c inhloko yamatshumi amathathu; yena waphakamisa umkhonto wakhe emelene labangamakhulu amathathu, wababulala ngasikhathi sinye d. 12Lemva kwakhe kwakuloEleyazare indodana kaDodo umAhohi; wayephakathi kwamaqhawe amathathu. 13Yena wayeloDavida ePasi-Damimi lapho amaFilisti ayebuthanele impi khona. Lesiqinti sensimu sasigcwele ibhali*; abantu basebebaleka phambi kwamaFilisti e. 14Bona bazimisa phakathi kwesiqinti, basikhulula, batshaya amaFilisti, iNkosi yasisindisa ngokukhulula okukhulu f. 15Abathathu ezinduneni ezingamatshumi amathathu basebesehlela edwaleni kuDavida, ebhalwini lweAdulamu; lebutho lamaFilisti lalimise inkamba esihotsheni seRefayimi g. 16UDavida ngalesosikhathi wayesenqabeni, lebutho lenqaba lamaFilisti ngalesosikhathi laliseBhethelehema h. 17UDavida waselangatha wathi: Hawu, kungathi ▼ omunye ubenganginathisa amanzi omthombo weBhethelehema osesangweni! 18Labo abathathu bafohlela enkambeni yamaFilisti, bakha amanzi emthonjeni weBhethelehema owawusesangweni, bawathwala bawaletha kuDavida; kodwa uDavida kafunanga ukuwanatha, kodwa wawathululela iNkosi. 19Wasesithi: Kakube khatshana lami, ngoNkulunkulu wami, ukwenza lokho. Nginganatha yini igazi lalamadoda abeke impilo yawo engozini? Ngoba ngokubeka impilo yawo engozini, awalethile. Ngakho kafunanga ukuwanatha. Lezizinto azenza lawomaqhawe amathathu. 20UAbishayi umfowabo kaJowabi, yena-ke wayeyinhloko yabathathu. Yena ephakamisa umkhonto wakhe emelene labangamakhulu amathathu wababulala; wasesiba lebizo phakathi kwabathathu j. 21Kwabathathu wayehlonitshwa kulababili, wasesiba yinduna yabo; kodwa kafinyelelanga kwabathathu abokuqala. 22UBhenaya indodana kaJehoyada, indodana yeqhawe leKabhiseyeli, wayemkhulu ngezenzo: Nguye owatshaya abakoMowabi ababili ababenjengezilwane; futhi yena wehla wabulala isilwane phakathi komgodi mhla weliqhwa elikhithikileyo. 23Yena wasetshaya indoda engumGibhithe, umuntu omude, ozingalo ezinhlanu. Lesandleni somGibhithe kwakulomkhonto onjengogodo lomeluki; kodwa wehlela kuye ngenduku, wahluthuna umkhonto esandleni somGibhithe, wambulala ngowakhe umkhonto k. 24Lezizinto wazenza uBhenaya indodana kaJehoyada, waba lebizo phakathi kwamaqhawe amathathu l. 25Khangela, wahlonitshwa phakathi kwabangamatshumi amathathu, kodwa kafinyelelanga kwabathathu. UDavida wasembeka phezu kwabalindi bakhe m. 26Lamaqhawe amabutho: OAsaheli umfowabo kaJowabi, uElihanani indodana kaDodo weBhethelehema n, 27uShamothi umHarodi, uHelezi umPheloni o, 28uIra indodana kaIkheshi umThekhowa, uAbiyezeri umAnathothi p, 29uSibekayi umHushathi q, uIlayi umAhohi, 30uMaharayi umNetofa, uHelebi indodana kaBahana umNetofa, 31uIthayi indodana kaRibayi weGibeya yabantwana bakoBhenjamini, uBhenaya umPirathoni, 32uHurayi wezifula zeGahashi, uAbiyeli umArba, 33uAzimavethi umBaharumi, uEliyabha umShahaliboni, 34amadodana kaHashema umGizoni, uJonathani indodana kaShage umHarari, 35uAhiyamu indodana kaSakari umHarari, uElifali indodana kaUri, 36uHeferi umMekera r, uAhiya umPheloni s, 37uHeziro umKharmeli, uNaharayi indodana kaEzibayi, 38uJoweli umfowabo kaNathani, uMibhari indodana kaHagiri, 39uZeleki umAmoni, uNaharayi umBherothi, umthwali wezikhali zikaJowabi indodana kaZeruya, 40uIra umIthiri, uGarebi umIthiri, 41uUriya umHethi, uZabadi indodana kaAhilayi t,
Copyright information for
Ndebele