aDute 2:36
bNani 21:32
cJosh 19:47; Hlu 18:29
dJosh 19:28; Hlu 18:28
eJosh 19:29
fJosh 11:3; Hlu 3:3
gJosh 11:3; Hlu 3:3
h1 Lan 7:2,4,5,7,9,40, 21:5
iHlu 8:10
j1 Sam 24:5
k12:13
l1 Sam 13:13
m1 Sam 22:5
n2 Kho 17:13; 1 Lan 21:9, 25:5, 29:29; 2 Lan 9:29, 12:15; Amos 7:12
o1 Lan 21:12
p24:2

2 Samuel 24:5-15

5Basebechapha iJordani, bamisa inkamba eAroweri a, ngakwesokunene komuzi ophakathi kwesifula seGadi, lamaqondana leJazeri b. 6Basebefika eGileyadi lelizweni leTahetimi-Hodishi; bafika eDani-Jahani c, babhoda ngaseSidoni d, 7bafika enqabeni yeTire e lemizini yonke yamaHivi f leyamaKhanani g; baphuma baya eningizimu yakoJuda, eBherishebha. 8Sebebhode badabula ilizwe lonke, bafika eJerusalema ekupheleni kwenyanga eziyisificamunwemunye lensuku ezingamatshumi amabili. 9UJowabi waseyinika inkosi inani lokubalwa kwabantu; njalo kwakukhona koIsrayeli amaqhawe ayizinkulungwane ezingamakhulu ayisificaminwembili h ahwatsha inkemba i; lamadoda akoJuda ayengamadoda ayizinkulungwane ezingamakhulu amahlanu.

10Inhliziyo kaDavida yasimtshaya emva kokuthi esebale abantu j. UDavida wasesithi eNkosini: Ngonile kakhulu ngalokho engikwenzileyo. Ngakho-ke, Nkosi, ngiyakuncenga, susa ububi benceku yakho k, ngoba ngenze ngobuthutha obukhulu l. 11Kwathi uDavida esevukile ekuseni, kwafika ilizwi leNkosi kuGadi umprofethi m, umboni kaDavida n, lisithi: 12Hamba uthi kuDavida: Itsho njalo iNkosi ithi: Ngikubekela okuthathu; zikhethele okukodwa kukho, ukuthi ngikwenze kuwe. 13UGadi wasefika kuDavida, wamtshela wathi kuye: Kufike kuwe yini iminyaka eyisikhombisa yendlala elizweni lakini? Loba ubalekele izitha zakho inyanga ezintathu zixotshana lawe? Ingabe kube khona umatshayabhuqe wesifo okwensuku ezintathu elizweni lakini? Khathesi cabanga, ubone ukuthi yimpendulo bani engizayibuyisela kongithumileyo o. 14UDavida wasesithi kuGadi: Ngicindezelekile kakhulu; ake siwele esandleni seNkosi, ngoba izisa zayo zinkulu, kodwa kangingaweli esandleni somuntu.

15Ngakho iNkosi yasibeka umatshayabhuqe wesifo kuIsrayeli, kusukela ekuseni kwaze kwaba sesikhathini esimisiweyo; kwasekusifa ebantwini abantu abayizinkulungwane ezingamatshumi ayisikhombisa kusukela koDani kwaze kwaba seBherishebha p.

1 Chronicles 21:7

7Njalo kwaba kubi emehlweni kaNkulunkulu mayelana lalindaba; ngakho wamtshaya uIsrayeli.
Copyright information for Ndebele