1Cor 15 | Ndebele | STEP | Ngakho, bazalwane, ngilazisa ivangeli engalitshumayeza lona , lani elalemukelayo , njalo elimi kulo ,

1 Ngakho, bazalwane, ngilazisa ivangeli ^a engalitshumayeza lona ^b, lani elalemukelayo ^c, njalo elimi kulo ^d, 2 njalo elisindiswa ngalo ^e; uba libambelela elizwini levangeli engalitshumayela kini, ngaphandle kokuthi lakholwa ize ^f. 3 Ngoba ngalinika ^g okokuqala lokho engakwemukelayo ^h lami, ukuthi uKristu wafa ngenxa yezono zethu ⁱ, njengokwemibhalo ^j; 4 lokuthi wangcwatshwa; lokuthi wavuswa kwabafileyo ngosuku lwesithathu ^k, njengokwemibhalo ^l; 5 lokuthi wabonakala ^m kuKefasi ⁿ, emva kwalokho kwabalitshumi lambili ^o; 6 emva kwalokho wabonakala ngesikhathi sinye kubazalwane abedlula amakhulu amahlanu ^p, ubunengi babo basekhona kuze kube lamuhla ^q, kodwa labanye sebalala ^r; 7 emva kwalokho wabonakala kuJakobe ^s, emva kwalokho wabonakala kubaphostoli bonke ^t; 8 lekucineni ^u kwabo bonke wabonakala lakimi ^v njengozelwe ngesikhathi esingaqondanga. 9 Ngoba mina ngingomncinyanyana ^w kubaphostoli, engingafanele ukuthiwa ngumphostoli, ngoba ngazingela ^x ibandla likaNkulunkulu. 10 Kodwa ngomusa ^y kaNkulunkulu ngiyikho lokho engiyikho khona, lomusa wakhe okimi kawubanga yize; kodwa ngitshikatshike ^z okwengezelelwe kulabo bonke, kanti kungesimi ^aa, kodwa ngumusa kaNkulunkulu olami. 11 Ngakho loba kuyimi, loba kuyibo, ngokunjalo siyatshumayela langokunjalo lakholwa.

12 Kodwa uba uKristu etshunyayelwa ukuthi uvusiwe kwabafileyo, batsho njani abanye phakathi kwenu ukuthi kakukho ukuvuka kwabafileyo ^ab? 13 Kodwa uba kungekho ukuvuka kwabafileyo, kavuswanga laye uKristu ^ac; 14 uba-ke uKristu engavuswanga, ngakho ukutshumayela kwethu kuyize, lokholo lwenu lalo luyize. 15 Lathi futhi sificwa singabafakazi bamanga bakaNkulunkulu, ngoba safakaza ngoNkulunkulu ukuthi wamvusa ^ad uKristu, angamvusanga, uba-ke abafileyo bengavuswa. 16 Ngoba uba abafileyo bengavuswa, kavuswanga laye uKristu; 17 njalo uba uKristu engavuswanga, ukholo lwenu luyize; lisesezonweni zenu ^ae. 18 Ngakho lalabo abalele ^af bekuKristu sebabhubha. 19 Uba singabathembela kuKristu kule impilo kuphela, singabalosizi kulabo bonke abantu ^ag.

20 Kodwa khathesi-ke uKristu uvusiwe kwabafileyo ^ah, waba yisithelo sokuqala ^ai sabaleleyo ^aj. 21 Ngoba lokhu ngomuntu ukufa kweza ^ak, langomuntu ukuvuka kwabafileyo kweza ^al. 22 Ngoba njengalokhu kuAdamu ^am bonke bayafa, ngokunjalo futhi kuKristu bonke bazakwenziwa baphile. 23 Kodwa ngulowo lalowo ngesakhe isigaba; isithelo sokuqala uKristu ^an, besekusiba ngabakaKristu ^ao ekufikeni kwakhe ^ap, 24 besekusiba yikuphela, lapho esenikela umbuso ^aq kuNkulunkulu, uYise ^ar, lalapho esenze kwaphela konke ^as ukubusa ^at labo bonke ubukhosi lamandla ^au. 25 Ngoba umele yena ukubusa, aze abeke zonke izitha ^av ngaphansi kwenyawo zakhe. 26 Isitha sokucina esizachithwa yikufa ^{aw
,} ^ax. 27 Ngoba izinto zonke uzehlisele ngaphansi kwenyawo zakhe ^ay. Kodwa nxa esithi ^az izinto zonke zehlisiwe, kusobala ukuthi ungaphandle kwazo yena ozehlisileyo izinto zonke ngaphansi kwakhe. 28 Nxa izinto zonke sezehlisiwe ngaphansi kwakhe ^ba, khona layo iNdodana ^bb ngokwayo izazehlisa ngaphansi kwalowo owehlisela zonke izinto ngaphansi kwayo, ukuze uNkulunkulu abe yikho konke kukho konke.

29 Pho, bazakwenzani ababhabhathizelwa abafileyo ^bc uba abafileyo bengavuki isibili ^bd? Kungani babhabhathizelwa abafileyo na? 30 Kungani lathi sisengozini ^be ihola ngehola? 31 Ngiyafa ^bf usuku ngosuku ^bg, ngiyaqinisa ngokuzincoma ngani engilakho kuKristu Jesu iNkosi yethu. 32 Uba ngokwabantu ngalwa ^bh lezilo eEfesu ^bi, nzuzo bani kimi, uba abafileyo bengavuki? Asidle sinathe ^bj, ngoba kusasa siyafa. 33 Lingakhohliswa ^bk; ukwejwayelana lababi ^bl kuyonakalisa izimilo ezinhle. 34 Vusani ingqondo ngokulunga ^bm njalo lingoni; ngoba abanye balokungamazi uNkulunkulu ^bn; ngikhulumela ukuthi libe lenhloni ^bo.

35 Kodwa omunye uzakuthi: Abafileyo ^bp bavuswa njani? Njalo beza lomzimba onjani? 36 Siphukuphuku ^bq, lokho okuhlanyelayo ^br wena, kakwenziwa kuphile ngaphandle kokuthi kufe; 37 lalokho okuhlanyelayo, kawuhlanyeli umzimba ozakuba khona, kodwa uhlamvu oluze, mhlawumbe, olwebele kumbe olokunye nje ^bs; 38 kodwa uNkulunkulu uyinika umzimba njengokuthanda kwakhe ^bt, lakuleyo laleyo yenhlanyelo owayo umzimba. 39 Inyama yonke kayisinyamanye; kodwa enye yinyama yabantu, lenye yinyama yenyamazana, lenye eyenhlanzi, lenye eyezinyoni. 40 Ikhona lemizimba yezulwini, lemizimba yemhlabeni; kodwa inkazimulo yezulu ingenye, leyemhlabeni ingenye. 41 Enye yinkazimulo yelanga, lenye yinkazimulo yenyanga, lenye yinkazimulo yezinkanyezi; ngoba inkanyezi yehlukile kwenye inkanyezi enkazimulweni. 42 Kunjalo-ke ukuvuka kwabafileyo ^bu. Kuhlanyelwa ekuboleni ^bv, kuyavuswa kungekho ekuboleni ^bw; 43 kuhlanyelwa ekudelweni ^bx, kuvuswe enkazimulweni ^by; kuhlanyelwa ebuthakathakeni, kuvuswe emandleni; 44 kuhlanyelwa umzimba wemvelo ^bz, kuvuswe umzimba womoya. Kukhona umzimba wemvelo, njalo kukhona umzimba womoya. 45 Langokunjalo kulotshiwe ukuthi: Umuntu wokuqala uAdamu waba ngumphefumulo ophilayo ^ca; uAdamu wokucina ngumoya ophilisayo ^cb. 46 Kodwa okokuqala kakusikho okomoya, kodwa okwemvelo ^cc, besekusiza okomoya. 47 Umuntu wokuqala ^cd wavela emhlabeni, ungowomhlabathi ^ce; umuntu wesibili uyiNkosi evela ezulwini ^{cf
,} ^cg. 48 Njengoba enjalo owomhlabathi ^ch, banjalo labo abomhlabathi ^ci; lanjengoba enjalo owezulwini, banjalo labo abezulwini; 49 futhi njengoba sibelesimo sowomhlabathi, lathi sizakuba lesimo sowezulwini ^cj.

50 Kodwa ngitsho lokhu, bazalwane, ukuthi inyama legazi ^ck kungelidle ilifa lombuso kaNkulunkulu ^cl; lokubola ^cm kakulidli ilifa lokungaboli ^cn. 51 Khangelani, ngilitshela imfihlo: Kasiyikulala sonke ^{co
,} ^cp, kodwa sizaphendulwa sonke ^cq, 52 ngesikhatshana, ngokucwayiza kwelihlo, ekukhaleni kophondo lokucina; ngoba uphondo ^cr luzakhala, labafileyo bazavuswa bengelakubola, lathi sizaphendulwa. 53 Ngoba lokhu okubolayo kumele ukwembatha ukungaboli ^cs, lalokho okufayo ^ct kwembathe ukungafi. 54 Nxa-ke lokho okubolayo sekwembethe ukungaboli ^cu, lalokho okufayo ^cv sekwembethe ukungafi, kuzakwenzeka ngalesosikhathi ilizwi elilotshiweyo lokuthi: Ukufa ^cw kuginyiwe ^cx ekunqobeni ^cy. 55 Lungaphi, kufa ^cz, udonsi lwakho? Kungaphi, ngcwaba ^{▼▼ ngcwaba: kumbe, sihogo.}, ukunqoba kwakho? 56 Lodonsi lokufa yisono; lamandla esono ngumlayo ^db. 57 Kodwa kabongwe ^dc uNkulunkulu osinika ukunqoba ^dd ngeNkosi yethu uJesu Kristu. 58 Ngakho ^de, bazalwane bami abathandekayo, manini, linganyikinyeki ^df, lengezelelwe emsebenzini weNkosi ^dg kokuphela, lazi ukuthi ukutshikatshika kwenu ^dh kakusilo ize eNkosini ^di.