a1 Lan 9:13-28
bNeh 3:31,32, 13:20; Hez 17:4, 27:3; Nah 3:16
c14:26
d2 Lan 9:16
e10:21, 7:2
f2 Lan 9:17
g10:17
h22:48; Gen 10:4; 1 Lan 1:7; 2 Lan 20:36,37; Hlab 48:7, 72:10; Isa 2:16, 23:1,6,10,14, 60:9, 66:19; Jer 10:9; Hez 27:12,25, 38:13; Jona 1:3, 4:2
i3:12,13, 4:30; 2 Lan 1:12
j1 Sam 10:27
k2 Lan 1:14-17
l4:26; 2 Lan 1:14, 9:25
m2 Lan 9:27; Jobe 22:24
n1 Lan 27:28
o2 Lan 9:28; Dute 17:16

‏ 1 Kings 10:14-28

Inotho kaSolomoni lodumo lwakhe

14Njalo isisindo segolide elalifika kuSolomoni ngomnyaka owodwa sasingamathalenta* angamakhulu ayisithupha lamatshumi ayisithupha lesithupha a, 15ngaphandle kokuvela kubathengisi, lempahleni zabathengisi bezinongo, lemakhosini wonke eArabhiya, lakubabusi belizwe b.

16Inkosi uSolomoni yasisenza izihlangu ezinkulu ezingamakhulu amabili ngegolide elikhandiweyo, amashekeli angamakhulu ayisithupha egolide esihlangwini esisodwa esikhulu. 17Lamahawu angamakhulu amathathu egolide elikhandiweyo c; amamane* amathathu egolide ehawini elilodwa d. Inkosi yasiwafaka endlini yegusu leLebhanoni e.

18Inkosi yenza lesihlalo sobukhosi esikhulu ngempondo zendlovu, yasihuqa ngegolide elicwengekileyo f. 19Isihlalo sobukhosi sasilezikhwelo eziyisithupha, lesihloko sesihlalo sobukhosi sasiyisigombolozi emuva, lezeyamelo zengalo ngapha langapha kuze kube sendaweni yokuhlala, lezilwane ezimbili zimi eceleni kwezeyamelo zezingalo. 20Lezilwane ezilitshumi lambili zazimi lapho ezikhwelweni eziyisithupha, ngapha langapha. Kakwenziwanga okunjalo kuwo wonke umbuso.

21Lazo zonke inkezo zokunatha zenkosi uSolomoni zazingezegolide, lazo zonke izitsha zendlu yegusu leLebhanoni zazingezegolide elicwengekileyo; kwakungelasiliva, lalingabalwa santo ensukwini zikaSolomoni g. 22Ngoba inkosi yayilemikhumbi yeThashishi olwandle kanye lemikhumbi kaHiramu; kanye ngeminyaka emithathu limikhumbi yeThashishi yeza ithwele igolide lesiliva h, impondo zezindlovu lezinkawu lamaphigaga. 23Ngakho inkosi uSolomoni yaba nkulu kulawo wonke amakhosi omhlaba enothweni lenhlakanipheni i.

24Umhlaba wonke wasudinga ubuso bukaSolomoni ukuzwa inhlakanipho yakhe uNkulunkulu ayeyinike enhliziyweni yakhe. 25Basebeletha, ngulowo isipho sakhe, izitsha zesiliva, lezitsha zegolide, lezembatho, lezikhali, lamakha, amabhiza, lezimbongolo; into yomnyaka ngomnyaka wayo j.

26USolomoni wasebuthanisa izinqola labagadi bamabhiza k; wayelezinqola ezingamakhulu alitshumi lane, labagadi bamabhiza abazinkulungwane ezilitshumi lambili; wakubeka emizini yezinqola njalo kulenkosi eJerusalema l. 27Inkosi yasisenza isiliva eJerusalema laba njengamatshe m, lemisedari wayenza yaba njengemikhiwa yesikhamore esesihotsheni, ngobunengi n.

28Wasengenisa ngokuthenga amabhiza avela eGibhithe, ayengekaSolomoni, lelembu elicolekileyo; labathengi benkosi babelithatha ilembu elicolekileyo ngentengo o.
Copyright information for Ndebele