1Ki 15:17-22 | Ndebele | STEP | UBahasha inkosi yakoIsrayeli wasesenyuka wamelana loJuda , wakha iRama , ukuze angavumeli muntu ukuphuma lokungena kuAsa inkosi yakoJuda .

1 Kings 15:17-22

17 UBahasha inkosi yakoIsrayeli wasesenyuka wamelana loJuda ^a, wakha iRama ^b, ukuze angavumeli muntu ukuphuma lokungena kuAsa inkosi yakoJuda ^c. 18 UAsa wasethatha sonke isiliva legolide okwakusele emagugwini endlu kaJehova lamagugu endlu yenkosi, wakunikela esandleni senceku zakhe ^d; inkosi uAsa yakuthumela kuBenihadadi indodana kaTabirimoni indodana kaHeziyoni, inkosi yeSiriya ^e, owayehlala eDamaseko ^f, esithi: 19 Kulesivumelwano phakathi kwami lawe, phakathi kukababa loyihlo; khangela, ngikuthumezela isipho, isiliva legolide ^g. Hamba, yephula isivumelwano sakho loBahasha inkosi yakoIsrayeli, ukuze enyuke asuke kimi. 20 UBenihadadi waseyilalela inkosi uAsa, wathuma induna zamabutho ayelawo emelene lemizi yakoIsrayeli, watshaya iIjoni ^h leDani ⁱ leAbeli-Beti-Mahaka ^j layo yonke iKinerothi lelizwe lonke lakoNafithali ^k. 21 Kwasekusithi uBahasha ekuzwa wayekela ukwakha iRama ^l, wahlala eTiriza ^m. 22 Inkosi uAsa yasisenza isimemezelo kuyo yonke iJuda; kakho owayetshiywe ngaphandle; ukuze basuse amatshe eRama lezigodo zayo, uBahasha ayesakha ngakho. Inkosi uAsa wasesakha ngakho iGeba yakoBhenjamini ⁿ leMizipa ^o.