1Ki 2:28-34 | Ndebele | STEP | Kwathi umbiko ufika kuJowabi, ngoba uJowabi wayephenduke walandela uAdonija lanxa wayengaphendukanga walandela uAbisalomu , uJowabi wabalekela ethenteni leN kosi , wabamba impondo zelathi .

1 Kings 2:28-34

28 Kwathi umbiko ufika kuJowabi, ngoba uJowabi wayephenduke walandela uAdonija ^a lanxa wayengaphendukanga walandela uAbisalomu ^b, uJowabi wabalekela ethenteni leNkosi ^c, wabamba impondo zelathi ^d. 29 Kwasekubikelwa inkosi uSolomoni ukuthi uJowabi usebalekele ethenteni leNkosi, khangela-ke, useceleni kwelathi. USolomoni wasethuma uBhenaya indodana kaJehoyada esithi: Hamba umsukele. 30 Ngakho uBhenaya waya ethenteni leNkosi, wathi kuye: Itsho njalo inkosi: Phuma! Kodwa wathi: Hatshi, kodwa ngizafela lapha. UBhenaya wasebuyisela ilizwi enkosini, esithi: Utsho njalo uJowabi, ungiphendule njalo. 31 Inkosi yasisithi kuye: Yenza njengokutsho kwakhe, umsukele, umngcwabe ^e; ukuze ususe kimi lendlini kababa igazi elingelacala uJowabi alichithayo ^f. 32 Njalo iNkosi izabuyisela igazi lakhe ekhanda lakhe ^g, owasukela amadoda amabili ayelungile engcono kulaye, wawabulala ngenkemba, ubaba uDavida engazi ^h: UAbhineri indodana kaNeri induna yebutho lakoIsrayeli ⁱ, loAmasa indodana kaJetheri induna yebutho lakoJuda ^j. 33 Ngakho igazi labo lizabuyela ekhanda likaJowabi lekhanda lenzalo yakhe kuze kube nininini; kodwa kuDavida lenzalweni yakhe, lendlini yakhe, lembusweni wakhe, kuzakuba lokuthula kuze kube nininini okuvela eNkosini ^k. 34 UBhenaya indodana kaJehoyada wasesenyuka, wamsukela wambulala ^l; wasengcwatshelwa endlini yakhe enkangala ^m.