Judg 9:24, 56-57, 1Ki 2:32-33 | Ndebele | STEP | ukuze udlakela olwenziwa ku madodana kaJerubali angamatshumi ayisikhombisa lubuyele , legazi libekwe phezu kukaAbhimeleki umfowabo owawabulalayo, laphezu kwabahlali beShekema ababeqinise izandla zakhe ukubulala abafowabo.

Judges 9:24

24 ukuze udlakela olwenziwa kumadodana kaJerubali angamatshumi ayisikhombisa lubuyele ^a, legazi libekwe phezu kukaAbhimeleki umfowabo owawabulalayo, laphezu kwabahlali beShekema ababeqinise izandla zakhe ukubulala abafowabo.

Judges 9:56-57

56 Ngokunjalo uNkulunkulu wabuyisela ububi bukaAbhimeleki ^b ayebenze kuyise, ngokubulala abafowabo abangamatshumi ayisikhombisa. 57 Labo bonke ububi bamadoda eShekema uNkulunkulu wabubuyisela phezu kwamakhanda awo; kwasekusehlela phezu kwabo isiqalekiso sikaJothamu indodana kaJerubali ^c.

1 Kings 2:32-33

32 Njalo iNkosi izabuyisela igazi lakhe ekhanda lakhe ^d, owasukela amadoda amabili ayelungile engcono kulaye, wawabulala ngenkemba, ubaba uDavida engazi ^e: UAbhineri indodana kaNeri induna yebutho lakoIsrayeli ^f, loAmasa indodana kaJetheri induna yebutho lakoJuda ^g. 33 Ngakho igazi labo lizabuyela ekhanda likaJowabi lekhanda lenzalo yakhe kuze kube nininini; kodwa kuDavida lenzalweni yakhe, lendlini yakhe, lembusweni wakhe, kuzakuba lokuthula kuze kube nininini okuvela eNkosini ^h.