a9:2, 11:9; 2 Lan 1:7-12
bNani 12:6
c2:4, 9:4; Hlab 15:2
d1:48
e1 Lan 28:5
f11:17; 1 Lan 29:1; 2 Kho 2:23
gNani 27:17
hDute 7:6
iGen 13:16, 15:5
jJak 1:5; Zaga 2:3-9
kHlab 72:1,2
lIsa 7:15; Heb 5:14
mGen 45:16
n1 Joha 5:14,15
o4:29-31, 5:12, 10:24; Tshu 1:16
pMat 6:33
q4:21-24, 10:23,25; Zaga 3:16
r15:5
sHlab 91:16; Zaga 3:2

1 Kings 3:5-14

USolomoni ucela ingqondo yokuqedisisa

5EGibeyoni iNkosi yabonakala kuSolomoni a ephutsheni ebusuku. UNkulunkulu wathi: Cela engingakunika khona b. 6USolomoni wasesithi: Wena wenzele inceku yakho uDavida ubaba umusa omkhulu, njengokuhamba kwakhe phambi kwakho eqinisweni lekulungeni lebuqothweni benhliziyo kuwe; wamgcinela lo umusa omkhulu c ukuthi wamnika indodana ehlezi esihlalweni sakhe sobukhosi njengalamuhla d. 7Ngakho-ke, Nkosi Nkulunkulu wami, wena wenzile inceku yakho yaba yinkosi esikhundleni sikaDavida ubaba e; ngingumntwanyana nje f, angikwazi ukuphuma lokungena g. 8Lenceku yakho iphakathi kwabantu bakho obakhethileyo, abantu abanengi h, abangelakubalwa labangelakunaniswa ngobunengi i. 9Ngakho nika inceku yakho inhliziyo eqedisisayo j ukwahlulela abantu bakho k, ukuze ngehlukanise phakathi kokuhle lokubi; ngoba ngubani olamandla ukwahlulela lesisizwe sakho esikhulu l? 10Laloludaba lwaba luhle emehlweni eNkosi ukuthi uSolomoni ucele lolulutho m. 11UNkulunkulu wasesithi kuye: Ngenxa yokuthi ucele lolulutho, ungazicelelanga insuku ezinengi, ungazicelelanga inotho, ungacelanga umphefumulo wezitha zakho, kodwa uzicelele ukuqedisisa ukuzwa ukwahlulela, 12khangela, sengenze njengamazwi akho n. Khangela, ngikunike inhliziyo ehlakaniphileyo leqedisisayo, ukuthi kungabi khona onjengawe ngaphambi kwakho, lemva kwakho kungaveli onjengawe o. 13Futhi longakucelanga ngikunikile p, ngitsho inotho lodumo, ukuze kungabi khona umuntu onjengawe emakhosini zonke izinsuku zakho q. 14Njalo uba uzahamba endleleni zami, ukugcina izimiso zami lemilayo yami njengoDavida uyihlo wahamba r, ngizakwelula insuku zakho s.
Copyright information for Ndebele