1Ki 6:23-28 | Ndebele | STEP | Endaweni yelizwi wasesenza amakherubhi * amabili ngesihlahla somhlwathi , ukuphakama kwakuzingalo ezilitshumi ngalinye.

1 Kings 6:23-28

23 Endaweni yelizwi wasesenza amakherubhi* amabili ngesihlahla somhlwathi ^a, ukuphakama kwakuzingalo ezilitshumi ngalinye. 24 Olunye uphiko lwekherubhi lwaluzingalo ezinhlanu, lolunye uphiko lwekherubhi lwaluzingalo ezinhlanu; kusukela ekucineni kolunye uphiko kusiya ekucineni kolunye uphiko kwakuzingalo ezilitshumi. 25 Lelinye ikherubhi lalizingalo ezilitshumi; womabili amakherubhi ayeyisilinganiso sinye lesimo sinye. 26 Ukuphakama kwelinye ikherubhi kwakuzingalo ezilitshumi, lelinye ikherubhi lalinjalo. 27 Wasewabeka amakherubhi phakathi kwendlu engaphakathi; njalo amakherubhi elula impiko, kuze kuthi olunye uphiko lwathinta umduli, lophiko lwelinye ikherubhi lwathinta omunye umduli, lempiko zawo zathintana uphiko lophiko ngaphakathi kwendlu ^b. 28 Wasewahuqa amakherubhi ngegolide.