1Ki 7:40-51 | Ndebele | STEP | UHiramu wasesenza inditshi zokugezela lamafotsholo lemiganu yokufafaza . UHiramu waseqeda ukwenza umsebenzi wonke ayewenzela inkosi uSolomoni endlini kaJehova:

1 Kings 7:40-51

40 UHiramu wasesenza inditshi zokugezela ^a lamafotsholo lemiganu yokufafaza ^b. UHiramu waseqeda ukwenza umsebenzi wonke ayewenzela inkosi uSolomoni endlini kaJehova: 41 Insika zombili, lenditshi zeziduku ezaziphezu kwezinsika zombili ^c, lamambule amabili ^d okwembesa inditshi ezimbili zeziduku eziphezu kwezinsika ^e, 42 lamapomegranati* angamakhulu amane ^f awamambule womabili, imizila emibili yamapomegranati yembule elilodwa ^g, okwembesa inditshi ezimbili zeziduku ezaziphezu kwezinsika ^h, 43 lezisekelo ezilitshumi, lenditshi zokugezela ezilitshumi phezu kwezisekelo, 44 lolwandle olulodwa, lenkabi ezilitshumi lambili ngaphansi kolwandle ⁱ; 45 lezimbiza lamafotsholo lemiganu yokufafaza, lazo zonke lezizitsha uHiramu azenzela inkosi uSolomoni endlini kaJehova, zazingezethusi elikhazimulisiweyo ^j. 46 Inkosi yazibumbela ngokuncibilikisa emagcekeni eJordani, emhlabathini webumba phakathi kweSukothi ^k leZarethani ^l. 47 USolomoni wasetshiya zonke lezizitsha zingalinganiswanga, ngenxa yobunengi obukhulukazi; isisindo sethusi kasihlolwanga. 48 USolomoni wenza-ke zonke izitsha ezazingezendlu yeNkosi; ilathi legolide ^m, letafula legolide ⁿ, okwakuphezu kwalo izinkwa zokubukiswa ^o, 49 lezinti zezibane zegolide elicwengekileyo, ezinhlanu ngakwesokunene, lezinhlanu ngakwesokhohlo, phambi kwendawo yelizwi ^p, lamaluba ^q, lezibane ^r, lezindlawu, kwegolide ^s; 50 lemiganu ^t, lezindlawu ^u, lemiganu yokufafaza ^v, lezinkezo, lezitsha zokuthwala umlilo, kwegolide elicwengekileyo ^w; lamabhanti egolide ezivalo zendlu engaphakathi, zengcwele yezingcwele ^x, ezivalo zendlu yethempeli. 51 Waphela njalo umsebenzi wonke inkosi uSolomoni eyawenza endlini yeNkosi. USolomoni wasengenisa izinto ezingcwelisiweyo zikaDavida uyise; isiliva legolide lezitsha wakubeka enothweni yendlu yeNkosi ^y.