1Ki 9:1-9 | Ndebele | STEP | Kwasekusithi uSolomoni eseqedile ukwakha indlu kaJehova lendlu yenkosi laso sonke isifiso sikaSolomoni ayethokoza ukusenza ,

d3:5, 11:9

e Josh 9:3

f 8:29

g Dute 11:12

h Gen 17:1

i11:4,6,38, 14:8, 15:5

j 2:4, 6:12; 2 Sam 7:12,16; 1 Lan 22:10; Hlab 132:12

k 1 Sam 15:11

l Dute 4:26; 2 Kho 17:23, 25:21

m Jer 7:14

n Dute 28:37

o 2 Lan 7:21

1 Kings 9:1-9

1 Kwasekusithi uSolomoni eseqedile ukwakha indlu kaJehova ^a lendlu yenkosi ^b laso sonke isifiso sikaSolomoni ayethokoza ukusenza ^c, 2 iNkosi yabonakala kuSolomoni ngokwesibili njengokubonakala kwayo kuye ^d eGibeyoni ^e. 3 INkosi yathi kuye: Ngizwile umkhuleko wakho lokuncenga kwakho okuncenge phambi kwami. Ngiyingcwelisile lindlu oyakhileyo ukubeka ibizo lami lapho kuze kube nininini ^f; lamehlo ami lenhliziyo yami kuzakuba lapho zonke izinsuku ^g. 4 Wena-ke, uba uhamba phambi kwami ^h, njengoDavida uyihlo wahamba, ngokuphelela kwenhliziyo langokuqonda, ukwenza njengakho konke engikulaye khona, ugcine izimiso zami lezahlulelo zami ⁱ, 5 khona ngizamisa isihlalo sobukhosi sombuso wakho phezu kukaIsrayeli kuze kube nininini, njengokukhuluma kwami kuDavida uyihlo, ngisithi: Kakuyikusweleka kuwe umuntu phezu kwesihlalo sobukhosi sikaIsrayeli ^j. 6 Uba lizaphenduka lokuphenduka, lina labantwana benu, ekungilandeleni, lingayigcini imilayo yami, izimiso zami, engikubeke phambi kwenu, kodwa liyekhonza abanye onkulunkulu, libakhothamele ^k, 7 khona ngizaquma uIsrayeli ebusweni belizwe engibanike lona ^l, lendlu engiyingcwelisele ibizo lami ^m ngizayilahla phambi kwami; loIsrayeli uzakuba yisaga lento yokuhozwa phakathi kwezizwe zonke ⁿ. 8 Lalindlu, ephakemeyo, wonke oyedlulayo uzamangala kakhulu ancife ^o, bathi: INkosi ikwenzeleni okunje kulelilizwe lakulindlu? 9 Njalo bazakuthi: Ngenxa yokuthi bayitshiyile iNkosi uNkulunkulu wabo eyakhupha oyise elizweni leGibhithe, babambelela kwabanye onkulunkulu, babakhonza babasebenzela; ngalokho iNkosi ibehlisele bonke lobububi.