1Sa 2:27-36 | Ndebele | STEP | Kwasekufika umuntu kaNkulunkulu kuEli , wathi kuye: Itsho njalo iN kosi : Ngabonakaliswa lokubonakaliswa yini kuyo indlu kayihlo beseGibhithe endlini kaFaro ?

d14:3, 22:18

eLevi 2:3,10, 6:16, 7:7,8,34, 10:14,15; Nani 5:9,10, 18:8-19

f Dute 32:15

g 2:32; Dute 26:15, 33:27; 1 Lan 4:41; Hlab 26:8, 68:5; Dute 12:5,6

l 4:11,18,20, 22:18; 1 Kho 2:27

q 25:28; 1 Kho 11:38; 2 Sam 7:11,27

r 2 Sam 22:51; Hlab 18:50; Hlab 89:20

s 10:3; Eks 29:23; Hlu 8:5; Zaga 6:26

1 Samuel 2:27-36

Ilizwi leNkosi lokugwetshwa kwendlu kaEli

27 Kwasekufika umuntu kaNkulunkulu kuEli ^a, wathi kuye: Itsho njalo iNkosi: Ngabonakaliswa lokubonakaliswa yini kuyo indlu kayihlo beseGibhithe endlini kaFaro ^b? 28 Ngamkhetha yini kuzo zonke izizwe zakoIsrayeli ukuthi abe ngumpristi wami ^c, anikele elathini lami, atshise impepha, agqoke i-efodi phambi kwami ^d? Ngayinika yini indlu kayihlo yonke iminikelo yabantwana bakoIsrayeli eyenziwe ngomlilo ^e? 29 Kungani likhahlela imihlatshelo yami leminikelo yami ^f engiyilayileyo endlini yami ^g, njalo uhlonipha amadodana akho okwedlula mina, ngokuzikhuluphalisa ngekhethelo leminikelo yonke kaIsrayeli, abantu bami? 30 Ngakho iNkosi uNkulunkulu kaIsrayeli ithi: Ngathi lokuthi: Indlu yakho lendlu kayihlo zizahamba phambi kwami kuze kube nininini ^h; kodwa khathesi ithi iNkosi: Kakube khatshana lami ⁱ; ngoba abangihloniphayo ngizabahlonipha ^j, labangidelelayo bazakweyiswa ^k. 31 Khangela, insuku ziyeza engizaquma ngazo ingalo yakho lengalo yendlu kayihlo, kungabi khona ixhegu endlini yakho ^l. 32 Njalo uzabona ukuhlupheka kwendlu yami, kuyo yonke impumelelo ezayenzela uIsrayeli; njalo kakuyikuba lexhegu endlini yakho zonke izinsuku ^m. 33 Lowo-ke owakho engingayikumquma asuke elathini lami uzakuba ngowokuqeda amehlo akho, lokudabula umphefumulo wakho; lakho konke ukwanda kwendlu yakho kuzakufa kusebudodeni. 34 Lalokhu kuzakuba yisiboniso kuwe okuzakwehlela amadodana akho womabili, kuHofini loPhinehasi ⁿ; bobabili bazakufa ngasuku lunye ^o. 35 Ngizazimisela umpristi othembekileyo; uzakwenza njengokusenhliziyweni yami lemphefumulweni wami ^p. Njalo ngizamakhela indlu eqinileyo ^q; uzahamba-ke phambi kogcotshiweyo wami zonke izinsuku ^r. 36 Kuzakuthi-ke wonke oseleyo endlini yakho uzakuza akhothame kuye ngenxa yembadalo yesiliva leqebelengwana lesinkwa, athi: Ake ungibeke kwesinye sezikhundla zompristi ukuze ngidle ucezu lwesinkwa ^s.