1Sa 21:4-5, 1Cor 7:5 | Ndebele | STEP | Umpristi wasephendula uDavida wathi: Kakulasinkwa esejwayelekileyo ngaphansi kwesandla sami, kodwa kulesinkwa esingcwele , nxa amajaha ezigcinile esifazaneni kuphela .

1 Samuel 21:4-5

4 Umpristi wasephendula uDavida wathi: Kakulasinkwa esejwayelekileyo ngaphansi kwesandla sami, kodwa kulesinkwa esingcwele ^a, nxa amajaha ezigcinile esifazaneni kuphela ^b. 5 UDavida wasemphendula umpristi wathi kuye: Isibili abesifazana bavinjelwe kithi phose lezinsuku ezintathu ekuphumeni kwami; lezitsha zamajaha zingcwele; kodwa ngandlela thize sejwayelekile ^c, laphezu kwalokho, ngoba lamuhla singcweliswe ezitsheni.

1 Corinthians 7:5

5 Lingagodlelani ^d, ngaphandle kokuvumelana okwesikhathi, ukuthi lizinikele ekuzileni ukudla lekukhulekeni ^e, libuye lihlangane futhi, ukuze uSathane ^f angalilingi ^g ngokungazithibi ^h kwenu.