a1 Kho 2:46
bGen 39:2
c1 Lan 29:25
d1 Lan 27:1
e1:13; 1 Kho 3:4
f1 Lan 21:29
g2 Sam 6:2,17; 1 Kho 3:15; 1 Lan 15:1
hJosh 9:17
iEks 27:1,2, 38:1,2
jEks 31:2
k1 Lan 13:3
l1 Kho 3:4
m1 Kho 3:5-14
n6:17; 1 Kho 8:26
o1:12; Josh 22:8; Ezra 6:8, 7:26; Tshu 5:19, 6:2
p1:12; Josh 22:8; Ezra 6:8, 7:26; Tshu 5:19, 6:2
q9:22; 1 Lan 29:25
r1:3
s9:25-28; 1 Kho 10:26-29
t9:25; 1 Kho 4:26; 1 Kho 10:26
u1 Kho 9:19

‏ 2 Chronicles 1

USolomoni ucela ukuthi anikwe ingqondo yokuqedisisa

1USolomoni indodana kaDavida waseqina embusweni wakhe a, leNkosi uNkulunkulu wakhe yayilaye b, yamenza waba mkhulu kakhulu c. 2USolomoni wasekhuluma kuIsrayeli wonke, kubaphathi bezinkulungwane labamakhulu, lakubahluleli, lakuzo zonke induna kuIsrayeli wonke, inhloko zaboyise d. 3USolomoni lebandla lonke laye basebesiya endaweni ephakemeyo eyayiseGibeyoni e; ngoba kwakukhona lapho ithente lenhlangano kaNkulunkulu uMozisi inceku yeNkosi alenzayo enkangala f. 4Kodwa uDavida wayewenyusile umtshokotsho kaNkulunkulu g uvela eKiriyathi-Jeyarimi h, wawusa lapho uDavida ayewulungisele khona, ngoba wayewumisele ithente eJerusalema. 5Lelathi lethusi i, uBhezaleli indodana kaUri indodana kaHuri ayelenzile, walibeka phambi kwethabhanekele leNkosi j; uSolomoni lebandla badinga-ke kulo k. 6USolomoni wasesenyukela lapho elathini lethusi phambi kweNkosi elalisethenteni lenhlangano, wanikela phezu kwalo iminikelo yokutshiswa eyinkulungwane l.

7Ngalobobusuku uNkulunkulu wabonakala kuSolomoni, wathi kuye: Cela engingakupha khona m. 8USolomoni wasesithi kuNkulunkulu: Wena wenzele uDavida ubaba umusa omkhulu, wangenza ngaba yinkosi esikhundleni sakhe. 9Khathesi, Nkosi Nkulunkulu, kaliqiniswe ilizwi lakho kuDavida ubaba n, ngoba wena ungenze ngaba yinkosi phezu kwabantu abanengi ngangothuli lomhlabathi. 10Khathesi ngipha inhlakanipho lolwazi ukuze ngiphume ngingene phambi kwalababantu; ngoba ngubani ongehlulela lababantu bakho abakhulu kangaka? 11UNkulunkulu wasesithi kuSolomoni: Ngenxa yokuthi lokhu bekusenhliziyweni yakho, njalo ungacelanga inotho, ingcebo, lodumo, lempilo yezitha zakho, futhi ungacelanga insuku ezinengi, kodwa uzicelele inhlakanipho lolwazi ukuze wahlulele abantu bami engikwenze waba yinkosi phezu kwabo o: 12Inhlakanipho lolwazi ukuphiwe; ngizakunika futhi inotho lengcebo lodumo p, angazange abe lakho okunjalo amakhosi ayengaphambi kwakho, langemva kwakho kakuyikuba khona okunjalo q.

13Wasebuya uSolomoni evela endaweni ephakemeyo eseGibeyoni waya eJerusalema, evela phambi kwethente lenhlangano; wasebusa phezu kukaIsrayeli r.

14USolomoni wasebuthanisa izinqola labagadi bamabhiza s; wayelezinqola ezingamakhulu alitshumi lane, labagadi bamabhiza abazinkulungwane ezilitshumi lambili t; wasekubeka emizini yezinqola, njalo kanye lenkosi eJerusalema u. 15Inkosi yasisenza isiliva legolide eJerusalema kwaba njengamatshe, njalo wenza imisedari yaba njengemikhiwa yesikhamore esesihotsheni, ngobunengi. 16Wasengenisa ngokuthenga amabhiza avela eGibhithe, ayengekaSolomoni, lelembu elicolekileyo; labathengi benkosi babelithatha ilembu elicolekileyo ngentengo. 17Basebesenyusa bekhupha inqola eGibhithe ngamashekeli* esiliva angamakhulu ayisithupha, lebhiza ngamashekeli alikhulu lamatshumi amahlanu. Ngokunjalo bakukhuphela wonke amakhosi amaHethi lamakhosi eSiriya ngesandla sabo.

Copyright information for Ndebele