a2 Kho 20:1; Isa 38:1
b2 Kho 20:8-11
c33:24, 38:8; 2 Kho 20:1-6, 20:9-11; 2 Lan 32:24
d1:1
e37:35
f2 Kho 20:9,10
g2 Kho 20:7
h2 Kho 20:8
i2 Kho 20:5

2 Chronicles 32:24

Ukugula kukaHezekhiya

24Ngalezonsuku uHezekhiya wagulela ukufa; wasekhuleka eNkosini a; yasikhuluma laye yamnika isibonakaliso b.

Isaiah 38:1-8

1Ngalezonsuku uHezekhiya wagula waphos'ukufa c. UIsaya indodana kaAmozi umprofethi d wasefika kuye, wathi kuye: Itsho njalo iNkosi: Layezela indlu yakho, ngoba uzakufa, kawuyikuphila. 2UHezekhiya wasephendulela ubuso bakhe ngasemdulini, wakhuleka eNkosini, 3wathi: Ngiyakuncenga, Nkosi, ake ukhumbule ukuthi ngihambe phambi kwakho ngobuqotho langenhliziyo epheleleyo, ngenza okulungileyo emehlweni akho. UHezekhiya wasekhala inyembezi ngokukhala okukhulu.

4Kwasekufika ilizwi leNkosi kuIsaya, lisithi: 5Hamba, uthi kuHezekhiya: Itsho njalo iNkosi uNkulunkulu kaDavida uyihlo: Ngiwuzwile umkhuleko wakho, ngibonile inyembezi zakho; khangela, ngizakwengezelela iminyaka elitshumi lanhlanu ensukwini zakho, 6ngikukhulule wena lalumuzi esandleni senkosi yeAsiriya, ngiwuvikele lumuzi e. 7Lalesi yisibonakaliso kuwe esivela eNkosini, esokuthi iNkosi izayenza le into eyikhulumileyo. 8Khangela, ngizabuyisela emuva isithunzi sezinyathelo f esesehlile ezinyathelweni zelanga zikaAhazi, izinyathelo ezilitshumi emuva. Ilanga laselibuyela emuva izinyathelo ezilitshumi, ngezinyathelo elalehle ngazo.

Isaiah 38:21-22

21Ngoba uIsaya g wayethe: Kabathathe isigaqa somkhiwa, basifake njengomnameko phezu kwethumba, njalo uzasila. 22UHezekhiya h laye wayethe: Siyini isibonakaliso sokuthi ngizakwenyukela endlini yeNkosi i?

Copyright information for Ndebele