a2 Kho 23:30-34
b2 Kho 23:36,37
c2 Kho 24:1; Hab 1:6
d2 Kho 24:6
e36:10,18; 2 Kho 24:13; Ezra 1:7; Dan 1:1,2, 5:2
f2 Kho 24:5,6
g2 Kho 24:8,9
h2 Kho 24:8
i2 Kho 24:10-17
j36:7
kJer 37:1
l2 Kho 24:18,19; Jer 52:1,2
mJer 21:1-7, 27:12-28, 32:1-5, 37:1-10, 38:14-28
n2 Kho 24:20
oHez 17:18
p30:8
qDute 2:30
r33:23
s24:19; Neh 9:30
t30:10
uNani 15:31
vGen 27:12; Jer 32:3, 38:6; Mat 23:34-37
wEzra 5:12
x2 Kho 25:1; Dute 28:49; Ezra 9:7
yHlab 78:63, 79:2,3
zJobe 12:12, 15:10, 29:8, 32:6
aa36:7,10; 2 Kho 25:13-15
ab2 Kho 25:9; Hlab 74:6,7, 79:1
ac2 Kho 15:25
ad32:27
ae2 Kho 25:11
afJer 27:7
ag36:22
ahJer 25:9,11,12, 29:10
aiLevi 26:34,35,43; Dan 9:2; Jobe 14:6
ajLevi 25:4,5
akEzra 1:1-3

‏ 2 Chronicles 36

Ukubusa kukaJehowahazi

1Abantu belizwe basebethatha uJehowahazi indodana kaJosiya, bambeka waba yinkosi esikhundleni sikayise eJerusalema a. 2UJehowahazi wayeleminyaka engamatshumi amabili lantathu esiba yinkosi; wasebusa inyanga ezintathu eJerusalema. 3Inkosi yeGibhithe yasimsusa eseJerusalema, yahlawulisa ilizwe amathalenta* esiliva alikhulu lethalenta legolide. 4Inkosi yeGibhithe yasibeka uEliyakhimi umfowabo abe yinkosi phezu kukaJuda leJerusalema, yaguqula ibizo lakhe yathi nguJehoyakhimi. UNeko wasethatha uJehowahazi umfowabo wamletha eGibhithe.

Ukubusa kukaJehoyakhimi

5UJehoyakhimi wayeleminyaka engamatshumi amabili lanhlanu esiba yinkosi; wasebusa iminyaka elitshumi lanye eJerusalema. Wenza okubi emehlweni eNkosi uNkulunkulu wakhe b. 6Kwenyukela kuye uNebhukadinezari inkosi yeBhabhiloni c, wambopha ngamaketane ethusi, ukumusa eBhabhiloni d. 7UNebhukadinezari waseletha okwezitsha zendlu yeNkosi eBhabhiloni, wakufaka ethempelini lakhe eBhabhiloni e.

8Ezinye-ke zezindaba zikaJehoyakhimi, lamanyala akhe awenzayo, lokwatholakala kuye, khangela, kubhaliwe egwalweni lwamakhosi akoIsrayeli loJuda f. UJehoyakhini indodana yakhe wasesiba yinkosi esikhundleni sakhe.

UJehoyakhini uthunjelwa eBhabhiloni

9UJehoyakhini g wayeleminyaka eyisificaminwembili esiba yinkosi; wasebusa inyanga ezintathu lensuku ezilitshumi eJerusalema. Wenza okubi emehlweni eNkosi h. 10Lekuthwaseni komnyaka inkosi uNebhukadinezari i yathuma yamletha eBhabhiloni, kanye lezitsha eziloyisekayo zendlu yeNkosi j; yasibeka uZedekhiya umfowabo abe yinkosi phezu kukaJuda leJerusalema k.

Ukubusa kukaZedekhiya

11UZedekhiya wayeleminyaka engamatshumi amabili lanye esiba yinkosi; wasebusa iminyaka elitshumi lanye eJerusalema l. 12Wasesenza okubi emehlweni eNkosi uNkulunkulu wakhe; kazithobanga phambi kukaJeremiya umprofethi, ekhuluma okomlomo weNkosi m. 13Laye wasevukela inkosi uNebhukadinezari n eyayimfungise ngoNkulunkulu o, wenza yaba lukhuni intamo yakhe p, waqinisa inhliziyo yakhe, okokuthi kaphendukelanga eNkosini, uNkulunkulu kaIsrayeli q.

14Futhi zonke induna zabapristi labantu banda ekuphambukeni ngeziphambeko njengawo wonke amanyala ezizwe, bayingcolisa indlu yeNkosi eyayiyingcwelisile eJerusalema r. 15INkosi, uNkulunkulu waboyise, yasithuma kubo ngesandla sezithunywa zayo s, ivuka ngovivi ithuma, ngoba yayilesihawu ebantwini bayo lendaweni yayo yokuhlala. 16Kodwa babezihleka usulu izithunywa zikaNkulunkulu t, bedelela amazwi akhe u, beklolodela abaprofethi bakhe v, lwaze lwavuka ulaka lweNkosi lwamelana labantu bayo kakwaze kwaba leselapho w. 17Ngakho yabenyusela inkosi yamaKhaladiya x eyabulala amajaha abo ngenkemba endlini yendlu yabo engcwele, ingahawukeli ijaha lentombi, omdala lexhegu y; yabanikela bonke esandleni sayo z. 18Lazo zonke izitsha zendlu kaNkulunkulu, ezinkulu lezincinyane, lezinto eziligugu zendlu kaJehova, lezinto eziligugu zenkosi lezeziphathamandla zayo, konke lokhu yakuletha eBhabhiloni aa. 19Basebetshisa indlu kaNkulunkulu, badiliza umduli weJerusalema ab, batshisa zonke izigodlo zayo ngomlilo ac, batshabalalisa zonke izitsha zayo eziloyisekayo ad. 20Yasithumbela eBhabhiloni abasele enkembeni ae; basebesiba zinceku zayo lezabantwana bayo af kwaze kwaba yikubusa kombuso wePerisiya ag; 21ukugcwalisa ilizwi leNkosi ngomlomo kaJeremiya ah, ilizwe lize likholise amasabatha alo ai; lagcina isabatha zonke izinsuku zencithakalo, kwaze kwagcwaliseka iminyaka engamatshumi ayisikhombisa aj.

Isimemezelo sikaKoresi

22Kwathi ngomnyaka wokuqala kaKoresi inkosi yePerisiya, ekugcwalisekeni kwelizwi leNkosi ngomlomo kaJeremiya, iNkosi yavusa umoya kaKoresi inkosi yePerisiya ukuthi edlulise isimemezelo embusweni wakhe wonke, njalo langombhalo, esithi:

23Utsho njalo uKoresi inkosi yePerisiya: INkosi, uNkulunkulu wamazulu, inginikile yonke imibuso yomhlaba; layo ingilayile ukuyakhela indlu eJerusalema ekoJuda. Ngubani ophakathi kwenu kubo bonke abantu bayo? INkosi uNkulunkulu wakhe kayibe laye, enyuke ak.

Copyright information for Ndebele