2Ki 16:10-15, 21:7, 2Ch 36:14, Jer 7:30, 32:34 | Ndebele | STEP | Inkosi uAhazi yasisiya eDamaseko ukuhlangana loTigilathi Pileseri inkosi yeAsiriya, yabona ilathi elaliseDamaseko. Inkosi uAhazi yasithumela kuUriya umpristi isimo selathi lomfanekiso walo njengokwenziwa kwalo konke.

2 Kings 16:10-15

10 Inkosi uAhazi yasisiya eDamaseko ukuhlangana loTigilathi Pileseri inkosi yeAsiriya, yabona ilathi elaliseDamaseko. Inkosi uAhazi yasithumela kuUriya umpristi ^a isimo selathi lomfanekiso walo njengokwenziwa kwalo konke. 11 U-Uriya umpristi wasesakha ilathi njengakho konke uAhazi akuthumela kuvela eDamaseko; uUriya umpristi wenza njalo, yaze yafika inkosi uAhazi ivela eDamaseko. 12 Inkosi isibuyile eDamaseko inkosi yalibona ilathi. Inkosi yasondela elathini, yanikela phezu kwalo ^b. 13 Yasitshisa umnikelo wayo wokutshiswa lomnikelo wayo wokudla, yathela umnikelo wayo wokunathwayo, yafafaza igazi leminikelo yokuthula eyayilayo phezu kwelathi. 14 Kodwa ilathi lethusi elaliphambi kweNkosi ^c yaliletha lisuka phambi kwendlu ^d, lisuka phakathi kwelathi lendlu yeNkosi ^e, yalifaka ehlangothini lwenyakatho lwelathi ^f. 15 Inkosi uAhazi yasimlaya uUriya umpristi isithi: Phezu kwelathi elikhulu ^g tshisa umnikelo wokutshiswa wekuseni, lomnikelo wokudla wantambama, lomnikelo wokutshiswa wenkosi, lomnikelo wayo wokudla, lomnikelo wokutshiswa wabo bonke abantu belizwe, lomnikelo wabo wokudla, leminikelo yabo yokunathwayo; ufafaze phezu kwalo lonke igazi lomnikelo wokutshiswa lalo lonke igazi lomhlatshelo ^h. Kodwa ilathi lethusi lizakuba ngelami ukubuza ngalo ⁱ.

2 Kings 21:7

7 Wasemisa isithombe esibaziweyo sesixuku ayesenzile endlini, iNkosi eyakhuluma ngayo kuDavida lakuSolomoni indodana yakhe yathi: Kulindlu, leJerusalema engiyikhethe kuzo zonke izizwe zakoIsrayeli, ngizabeka ibizo lami kuze kube nininini ^j.

2 Chronicles 36:14

14 Futhi zonke induna zabapristi labantu banda ekuphambukeni ngeziphambeko njengawo wonke amanyala ezizwe, bayingcolisa indlu yeNkosi eyayiyingcwelisile eJerusalema ^k.

Jeremiah 7:30

30 Ngoba abantwana bakoJuda benzile ububi emehlweni ami, itsho iNkosi; babekile izinengiso zabo endlini ^l ebizwa ngebizo lami, ^m ukuze bayingcolise. ⁿ

Jeremiah 32:34

34 Kodwa bamisa izinengiso zabo endlini, ^o obizo lami libizwa kuyo, ^p ukuze bayingcolise. ^q