Exo 30:18, 2Ki 16:17, 25:13, 1Ch 18:8, 2Ch 4:2-5, Jer 52:17 | Ndebele | STEP | Uzakwenza lenditshi yethusi yokugezela elonyawo lwayo lwethusi, ukugezela kuyo ; uyibeke phakathi laphakathi kwethente lenhlangano lelathi , uthele kuyo amanzi,

Exodus 30:18

18 Uzakwenza lenditshi yethusi ^a yokugezela elonyawo lwayo lwethusi, ukugezela kuyo; uyibeke phakathi laphakathi kwethente lenhlangano lelathi ^b, uthele kuyo amanzi,

2 Kings 16:17

17 Inkosi uAhazi yasiquma ^c imiphetho yezisekelo, yasusa inditshi yokugezela kuzo ^d, yethula ulwandle phezu kwenkabi zethusi ezazingaphansi kwalo ^e, yalubeka phezu kokugandelwe ngamatshe.

2 Kings 25:13

13 Lensika zethusi ezazisendlini yeNkosi ^{f
,} ^g, lezisekelo ^h, lolwandle lwethusi olwalusendlini yeNkosi, amaKhaladiya akuphahlaza ⁱ, athwalela ithusi lakho eBhabhiloni.

1 Chronicles 18:8

8 Njalo eTibhathi leKuni, imizi kaHadadezeri, uDavida wathatha ithusi elinengi kakhulu; uSolomoni enza ngalo ulwandle lwethusi, lezinsika, lezitsha zethusi ^j.

2 Chronicles 4:2-5

2 Wasesenza ulwandle olubunjwe ngokuncibilikisa, luzingalo ezilitshumi kusukela okhunjini lwalo kusiya okhunjini lwalo, lwalugombolozele inhlangothi zonke, lokuphakama kwalo kuzingalo ezinhlanu, lomzila wezingalo ezingamatshumi amathathu ulugombolozele inhlangothi zonke ^k. 3 Lokufanana kwenkabi kwakungaphansi kwalo, kubhodabhoda inhlangothi zonke zalo, ezilitshumi engalweni, lugombolozela ulwandle inhlangothi zonke; imizila emibili yenkabi yabunjwa ngokuncibilikisa ekubunjweni kwalo ^l. 4 Lwalumi phezu kwenkabi ezilitshumi lambili; ezintathu zikhangele enyakatho, lezintathu zikhangele entshonalanga, lezintathu zikhangele eningizimu, lezintathu zikhangele empumalanga; lolwandle lwaluphezu kwazo phezulu, lazo zonke ingemuva zazo zazingaphakathi. 5 Uhlonzi lwalo lwaluyibubanzi besandla, lomphetho walo wawunjengomsebenzi womphetho wenkezo, njengeluba lomduze, lwalumumethe amabhathi*, lumumethe azinkulungwane ezintathu ^m.

Jeremiah 52:17

17 Lensika zethusi ezazisendlini yeNkosi, ⁿ lezisekelo, ^o lolwandle lwethusi olwalusendlini yeNkosi, ^p amaKhaladiya akuphahlaza, athwala lonke ithusi lakho alisa eBhabhiloni. ^q