a17:1, 16:2
b2 Lan 28:27; 2 Lan 29:1,2
c20:3; 2 Lan 31:20
d18:22; 2 Lan 31:1; 2 Lan 30:14; 1 Kho 15:14
eDute 16:21; Mika 5:14; Eks 34:13
fNani 21:8,9
g19:10; Hlab 13:5, 33:21
h23:25
iDute 10:20; Josh 23:8
j2 Lan 15:2; Gen 39:2
k1 Sam 18:5
l16:7
mIsa 14:29
n17:9
o17:3-7
pDan 9:10
qDute 17:2
r2 Lan 32:1; Isa 36:1
s2 Lan 32:9; Josh 10:3
t23:33
u16:8, 12:18
v19:37; Isa 36:2,37,38; 2 Lan 32:9-22
wIsa 20:1
x20:20; Isa 7:3
yIsa 22:15,19,20
zIsa 22:15,19,20
aa18:37; 2 Sam 8:16
ab2 Lan 32:10
acEzra 4:7; Dan 2:4
ad2 Lan 32:18
ae2 Lan 32:15
af19:10; Gen 3:13
ag1 Kho 4:25
ahDute 8:7,8
aiEks 3:8
aj19:12; 2 Lan 32:14; Isa 10:10,11
ak19:13
al1 Kho 8:65
amIsa 10:9; Jer 49:23
anDan 3:15
ao18:18,26, 19:2
ap19:1; Gen 44:13; Isa 33:7

‏ 2 Kings 18

Ukubusa kukaHezekhiya

1Kwasekusithi ngomnyaka wesithathu kaHosheya indodana kaEla a, inkosi yakoIsrayeli, uHezekhiya indodana kaAhazi inkosi yakoJuda waba yinkosi b. 2Wayeleminyaka engamatshumi amabili lanhlanu lapho esiba yinkosi; wabusa iminyaka engamatshumi amabili lesificamunwemunye eJerusalema. Lebizo likanina lalinguAbhi indodakazi kaZekhariya. 3Wasesenza okulungileyo emehlweni eNkosi njengakho konke uDavida uyise akwenzayo c.

4Yena wasusa indawo eziphakemeyo, wabhidliza insika eziyizithombe d, wagamula izixuku e, wachoboza inyoka yethusi uMozisi ayeyenzile, ngoba kuze kube yilezonsuku abantwana bakoIsrayeli babeyitshisela impepha f; wayibiza ngokuthi nguNehushitani. 5Wathembela eNkosini, uNkulunkulu kaIsrayeli g; okwathi emva kwakhe kakubanga khona onjengaye emakhosini wonke akoJuda, loba ayengaphambi kwakhe h. 6Ngoba wanamathela eNkosini, kaphambukanga ekuyilandeleni, kodwa wagcina imilayo yayo iNkosi eyayilaya uMozisi i. 7LeNkosi yaba laye j; loba ngaphi lapho aphumela khona waphumelela k. Wavukela inkosi yeAsiriya, kayisebenzelanga l. 8Yena watshaya amaFilisti waze wafika eGaza lemingcele yayo m, kusukela emphotshongweni wabalindi kuze kube semzini obiyelweyo n.

Ukunqotshwa kweSamariya

9Kwasekusithi ngomnyaka wesine wenkosi uHezekhiya, owawungumnyaka wesikhombisa kaHosheya indodana kaEla, inkosi yakoIsrayeli, uShalimaneseri inkosi yeAsiriya wenyuka wamelana leSamariya, wayivimbezela o. 10Basebeyithumba ekupheleni kweminyaka emithathu. Ngomnyaka wesithupha kaHezekhiya, owawungumnyaka wesificamunwemunye kaHosheya inkosi yakoIsrayeli, iSamariya yathunjwa. 11Inkosi yeAsiriya yathumbela uIsrayeli eAsiriya, yababeka eHala leHabori umfula weGozani, lemizini yamaMede. 12Ngoba bengalilalelanga ilizwi leNkosi uNkulunkulu wabo p, kodwa baseqa isivumelwano sayo, konke uMozisi inceku yeNkosi eyayikulayile; kabalalelanga, kabenzanga q.

Ukuhlaselwa kwelizwe lakoJuda nguSenakheribi

13Langomnyaka wetshumi lane wenkosi uHezekhiya, uSenakheribi inkosi yeAsiriya wenyuka wamelana layo yonke imizi yakoJuda ebiyelweyo, wayithumba r. 14UHezekhiya inkosi yakoJuda wasethumela enkosini yeAsiriya eLakishi s esithi: Ngonile; buyela usuke kimi; okubeka phezu kwami ngizakuthwala. Inkosi yeAsiriya yasibeka phezu kukaHezekhiya inkosi yakoJuda amathalenta* esiliva angamakhulu amathathu, lamathalenta angamatshumi amathathu egolide t. 15UHezekhiya wasemnika sonke isiliva esatholakala endlini kaJehova lenothweni yendlu yenkosi u. 16Ngalesosikhathi uHezekhiya waquma igolide ezivalweni zethempeli leNkosi, lemigubazini uHezekhiya inkosi yakoJuda ayekunamathisele, walinika inkosi yeAsiriya. 17Inkosi yeAsiriya v yasithuma uTharithani loRabi-Sarisi loRabi-Shake besuka eLakishi besiya enkosini uHezekhiya belebutho elinzima eJerusalema w. Benyuka-ke bafika eJerusalema. Sebenyuke bafika bema emgelweni wechibi eliphezulu, elisemgwaqweni omkhulu wensimu yomwatshi x. 18Sebebize inkosi, kwaphumela kibo uEliyakhimi indodana kaHilikhiya owayengumphathi wendlu y, loShebina umbhali z, loJowa indodana kaAsafi umabhalane aa. 19URabi-Shake wasesithi kibo: Khulumani khathesi kuHezekhiya: Itsho njalo inkosi enkulu, inkosi yeAsiriya ithi: Yisibindi bani lesi, othembela kuso ab? 20Uthi, kodwa yilizwi lendebe nje: Kulecebo lamandla empi. Usuthembe bani ukuthi ungivukele? 21Khangela-ke, wena uthembele odondolweni lomhlanga owephukileyo, oluyiGibhithe, uba umuntu eseyama phezu kwalo, luzangena esandleni sakhe lusihlabe. Unjalo uFaro inkosi yeGibhithe kubo bonke abathembela kuye. 22Kodwa uba lisithi kimi: ENkosini uNkulunkulu wethu siyathemba; angithi yiyo elezindawo zayo eziphakemeyo lamalathi ayo uHezekhiya awasusileyo, wathi kuJuda leJerusalema: Phambi kwalelilathi lizakhonza eJerusalema? 23Ngakho-ke, akunike isibambiso enkosini yami, inkosi yeAsiriya, njalo ngizakunika amabhiza azinkulungwane ezimbili, uba wena ulakho ukunika abagadi bawo. 24Pho, uzabuyisela emuva njani ubuso benduna eyodwa yabancinyane nje benceku zenkosi yami; wena-ke uthembele eGibhithe ngezinqola labagadi bamabhiza? 25Kambe ngenyukile yini ukumelana lalindawo ngingelaJehova ukuyichitha? UJehova uthe kimi: Yenyuka umelane lalelilizwe, ulichithe. 26UEliyakhimi indodana kaHilikhiya loShebina loJowa basebesithi kuRabi-Shake: Akukhulume lenceku zakho ngesiSiriya, ngoba siyasizwa; ungakhulumi lathi ngesiJuda endlebeni zabantu abasemdulini ac. 27Kodwa uRabi-Shake wathi kubo: Inkosi yami ingithumile yini enkosini yakho lakuwe ukukhuluma lamazwi? Kakusebantwini yini abahlezi phezu komduli ukuze badle ubulongwe babo, banathe umchamo wabo kanye lani? 28URabi-Shake wasesima wamemeza ngelizwi elikhulu ngesiJuda, wakhuluma esithi: Zwanini ilizwi lenkosi enkulu, inkosi yeAsiriya ad. 29Itsho njalo inkosi: UHezekhiya ae kangalikhohlisi af, ngoba kayikuba lakho ukulikhulula esandleni sayo. 30Njalo uHezekhiya angalenzi lithembele eNkosini esithi: INkosi izasikhulula lokusikhulula, lalumuzi kawuyikunikelwa esandleni senkosi yeAsiriya. 31Lingamlaleli uHezekhiya, ngoba itsho njalo inkosi yeAsiriya: Yenzani isivumelwano sokuthula lami, liphume lize kimi; dlanini-ke, ngulowo lalowo okwevini lakhe langulowo lalowo okomkhiwa wakhe, linathe, ngulowo lalowo amanzi omthombo wakhe ag; 32ngize ngifike ngilithathe ngilise elizweni elifanana lelizwe lakini, ilizwe lamabele lewayini elitsha, ilizwe lesinkwa lezivini ah, ilizwe lamafutha emihlwathi loluju ai, ukuze liphile lingafi. Lingamlaleli uHezekhiya ngoba eliyenga esithi: INkosi izasikhulula. 33Onkulunkulu bezizwe sebake bawakhulula yini ngulowo lalowo ilizwe lakhe esandleni senkosi yeAsiriya aj? 34Bangaphi onkulunkulu ak beHamathi al leArpadi am? Bangaphi onkulunkulu beSefavayimi, beHena, leIva? Kambe bayikhulule yini iSamariya esandleni sami? 35Ngobani kubo bonke onkulunkulu balawomazwe abakhulule ilizwe labo esandleni sami, ukuthi iNkosi ikhulule iJerusalema esandleni sami an? 36Kodwa abantu bathula, kabaze bamphendula lalizwi, ngoba umlayo wenkosi wawuyikuthi: Lingamphenduli. 37UEliyakhimi indodana kaHilikhiya ao owayengumphathi wendlu, loShebina umbhali, loJowa indodana kaAsafi umabhalane, basebesiza kuHezekhiya izigqoko zidatshuliwe, bamtshela amazwi kaRabi-Shake ap.

Copyright information for Ndebele