2Ki 24:14, 2Ch 26:9-15 | Ndebele | STEP | Yasithumba iJerusalema yonke, leziphathamandla zonke, lawo wonke amaqhawe alamandla , abathunjwa abazinkulungwane ezilitshumi , lazo zonke ingcitshi zemisebenzi labakhandi ; kakusalanga loyedwa ngaphandle kwabantukazana ebantwini belizwe .

2 Kings 24:14

14 Yasithumba iJerusalema yonke, leziphathamandla zonke, lawo wonke amaqhawe alamandla ^a, abathunjwa abazinkulungwane ezilitshumi ^b, lazo zonke ingcitshi zemisebenzi labakhandi ^c; kakusalanga loyedwa ngaphandle kwabantukazana ebantwini belizwe ^d.

2 Chronicles 26:9-15

9 Futhi uUziya wakha imiphotshongo eJerusalema esangweni lengonsi ^e lesangweni lesigodi ^f lengonsini, wayiqinisa ^g. 10 Wakha lemiphotshongo enkangala, wagebha imithombo eminengi, ngoba wayelenkomo ezinengi esihotsheni kanye lemagcekeni ^h, abalimi ⁱ lezisebenzi zezivini ezintabeni ^j leKharmeli ^k, ngoba wayengothanda umhlabathi. 11 Futhi uUziya wayelebutho elilwayo eliphuma impi ngamaviyo ^l ngokwenani lokubalwa kwabo ngesandla sikaJeyiyeli umabhalane loMahaseya umbusi phansi kwesandla sikaHananiya, omunye wezinduna zenkosi ^m. 12 Inani lonke lezinhloko zaboyise lamaqhawe alamandla lalizinkulungwane ezimbili lamakhulu ayisithupha. 13 Laphansi kwesandla sazo kwakulamandla ebutho elizinkulungwane ezingamakhulu amathathu lesikhombisa lamakhulu amahlanu elalisilwa ngamandla obuqhawe ukusiza inkosi limelene lesitha ⁿ. 14 U-Uziya wasebalungisela, ibutho lonke, izihlangu ^o lemikhonto ^p lamakhowa ^q lamabhatshi ensimbi ^{r
,} ^s lamadandili lamatshe ezavutha ^t. 15 EJerusalema wasesenza imitshina, eyaqanjwa ngohlakaniphileyo ^u, ukuthi ibe phezu kwemiphotshongo laphezu kwezingonsi ukuphosa ngemitshoko langamatshe amakhulu. Lebizo lakhe laphuma laze laba khatshana, ngoba wasizwa ngokumangalisayo waze waqina ^v.